تعرفوا معنا على أطيب ساندويش سمكة حرة بكل بلبنان

مين فينا ما بحب السمكة الحرة؟ كيف إذا كانت بقلب ساندويش مع تتبيلة غير شكل؟

بعتقد كلنا فينا نتفق على إنها من أطيب الساندويشات يلي فينا ناكلها، وخاصة لما تاكلوها على الغدا بعد نهار طويل. وإذا بعدكن مش مجربينها عم تروحوا عليكن كتير.

طيب كيف إذا قلنالكن إنو في محل بيعمل أكلتكن المفضلة وكل ساندويشات السمك وثمار البحر كمان؟

عم نحكي عن أبو فادي السيد ملك السمكة الحرة المشهور بطرابلس من سنة ال75 ولي بسبب الشعبية الكبيرة قرر يفتح بالبترون سنة 2015 ورح بتلاقوا عندو ساندويشات سمك على أنواعها متل ساندويش السمكة الحرة الشهيرة، ساندويش السمكة المشوية، ساندويش السمكة المشوية بكزبرة، ساندويش الكرسبي سمك، ساندويش البزره وكمان ساندويش الأخطبوط والكركند والكالامار وغيرن كتير.

إنتو معودين تاكلوا السمكة الحرة ببيروت بالصحن، عند أبو فادي رح تاكلوها بالساندويش! ساندويش السمكة الحرة عندو… الناس بتجي من بيروت كرمالها.

حتى بتلاقوا عندو ساندويشات سودة وطاووق وكريسبي دجاج، ساندويش ناغتس، بطاطا مشوية وساندويش بطاطا بكزبرة وقصص ما بتخطر لا على البال وعلى الخاطر.

إسم على مسمى، أبو فادي هوي ملك السمكة الحرة بكل لبنان. ساندويش السمكة الحرة كتير طيبة وغريبة، السمك طازة مخلوط بتتبيلة سرية مع صوص وشوية حر وحامض ولا أطيب من هيك مع خس وبندورة على الوج لتصير طعمتها أطيب وأطيب ومحمصة بخبزة غير شكل.

خبزة محمصة حرزانة فيها سمك وخلطة بتطوش الراس وكلها عبعضها بتكلف 000 260 ليرة بس.

شهيناكن ولا بعد؟

ضروري تطلعوا عطرابلس قريباً او تميلوا على البترون وتجربوها، ما بتندموا، صحتين!

الفرع الأول : طرابلس، المينا

الفرع التاني : أوتوستراد البترون

الرقم: 316 000 70

شوفوا كمان، نسوان الفرن: أطيب مناقيش وبيتزا ببكفيا.