شي مرة مجربين أطيب ساندويش مغربية بلبنان؟

كل منطقة من مناطق لبنان بتشتهر بأكلات شعبية ولذيذة أما طرابلس فموضوع تاني ويلي بيعرف هل منطقة منيح بيعرف إنو هاي المدينة للناس يلي بحبو الأكل الطيب! نحنا اليوم رح ناخدكن مشوار على هالمدينة المميزة وتحديداً لعند الدبوسي يلي بقولوا عنو ملك المغربية لتاكلو أطيب ساندويش مغربية بحياتكن!

بجوز تكونوا مجربين المغربية بس أكيد أكيد بعد مش مجربين ساندويش المغربية الطرابلسية!

أحلى شي بهل بردات، مغربية صخنة مستواية منيح على النار مع بصل ودجاج، بهارات وصلصلة غير شكل… ريحتها بتشق النفس… عم تتخايلوا حالكن عم تاكلوا ساندويش مع كل القصص الطيبة لي بقلبها؟

المغربية عند الدبوسي غير عالم! هل محل بتلاقوا على المينا وبقدم أطيب مغربية بالدني كلا – المغربية الطرابلسية شغلتو وبس، وبيتفنن بتحضير هل طبق التقليدي مع المطيبات الطرابلسية و السمن. فيكن تاكلوا عندو المغربية بالصحن أو بالساندويش، مع دجاج أو بدون دجاج وأكيد مع كبيس ولفت ومكسرات وصلصلة بتجنن على الوج.

الساندويش المغربية العادية ما رح تصدقوا قدي، بس ب000 70 ليرة، أما ساندويش المغربية مع دجاج فهيي ب000 140 ل. ل.

يعني عنجد ما في أطيب وأوفر من هيك غدا على الجيبة!

بالشتوية عنجد ما في أطيب من المغربية وصدقوا إنو في ناس بتجي من كل المناطق اللبنانية لتستمتع بهيك أكلة عند الدبوسي!

إنتو خبرونا، بتفضلوا المغربية بالصحن أو بالساندويش؟

لتعرفوا أكتر عن هل محل اتصلوا على 105 210 06

شوفوا كمان، ٩ ساندويشات روعة ضروري تجربوها بلبنان.