أنواع الأشخاص لي بتلتقوا فيهن بس تعلقوا بعجقة سير بلبنان

بس تكونوا علقانين بعجقة سير من دون ما تنتبهوا بتصيروا تتلفتوا شمال يمين لتقطعوا الوقت وبتشوفوا السيارات لي حواليكن شو عم يعملوا، هاي عينة زغيرة عن القصص لي أكيد بتصير معكن بوقت العجقة. ١. يلي بكون عم يشرب فنجان قهوة ولا على بالو بال ٢. يلي بيستغل الوضع ليعمل تلفونات ويفتح واتساب ويرد على العالم ٣. يلي بقضيها يعلق مع كل حدا بيطلع قدامو وبفش خلقو في ٤. يلي بصير بدو يتعرف على العالم بنص عجقة السير وبينزل من السيارة وبصير ينق ويحكي مع الناس من الشباك ٥. لي بصير يحكي مع حالو ويشبق ويلبط ٦. لي بتستفيد من الوقفة بالعجقة لتخلص ماكياجها ٧. لي بزمر على الطاعة والنازلة، على أساس هيك بيمشي السير ٨. شوفير الباص أو السرفيس لي بيمشي على خط اليمين وفجأة بقرر يوقف بنص الطريق وبوقف كل السير ورا ٩. لي بعلي صوت السيارة على الآخر لدرجة بتصير ترج وتهز ١٠. لي بفيق يعمل غراميات بنص الأوتوستراد، تبويس وتعبيط وتصوير ويلا ١١. يلي مفكر حالو بستار أكادمي وبصير يغني على العالي ويسمع الناس كلا ١٢. لي مسكر الشباك وقاعد عم بسب ويطلع بالناس وما حدا سامع شي ولا فهمان شي ١٣. يلي كل شوي بروح من خط اليمين لخط الشمال مفكر هيك بقطع العجقة ١٤. الكوبل يلي عام يتخانقوا بنص العجقة ١٥. يلي محمل عفش البيت على ضهر السيارة ١٦. لي عم تطلع كل الوقت دخنة بيضا من سيارتو من ورا وما عم يعرف يمشي فشختين ١٧. لي كل شوي بينزل بجورة أكبر من التانيي ١٨. يلي بالنسبة إلو الإشارة الحمرا ما بتعني شي ١٩. لي بصير يأشر للناس بإيدي على أساس إنو هيك مفروض الناس تفهم شو بدو إنتو أيا نوع يا ترى؟ تذكروا معنا كمان، أشهر وأجمل مسلسلات مروان نجار.