أجمل ٤ بيوت ضيافة محاوطة بشجر الأرز بلبنان

من أهم رموز ومعالم لبنان التراثية هيي غابات الأرز الشامخ، بتميزو عن البلدان التانية العربية وبتمتد على مساحات واسعة بطبيعتو. رح ناخدكن اليوم مشوار على بيوت ضيافة محضونة بالأرز العريق.

1- Cedar Scent – غابة أرز نيحا، جرود البترون

في أحلى من الفيقة الصبح وحولكن غابة أرز مكللّة ببياض التلج؟ Cedar Scent بقدملكن قعدة ساحرة بالطبيعة بعيد عن العالم، موديل البيت مودرن مرتب، في موقدة دافية لتكنكنوا جنبها، وتراس مع فية للأرزات بتخطف القلب.

للمزيد من المعلومات، اتصلوا على 511 233 70

2 – La Maison des Cedres – الأرز، بشري

هالبيت الضيافة قاعد على ارتفاع 1930 متر بمنطقة بشري ومحاوط بشجر الأرز، بقدملكن 18 جناح مرتبين ومجهزين بكل شي بتحتاجو، مطعم طيب، مكتبة ساحرة، عندو ديكور داخلي وقطع فنية مستوحاية من رمزية شجرة الأرز. فيكن كمان تستمتعوا بالمطارح الروعة للتزلج ومناظر الطبيعية المكللّة بالتج، وكمان قريب على المعالم الروحية بمنطقة بشري.

للمزيد من المعلومات، اتصلوا على 414 888 71

3 – Le Cedrus Hotel – الأرز، بشري

غابة أرز الرب متل الجنة على الأرض، فكيف إذا لقيتوا أحلى أوتيل مجاور لهل الغابة العريقة؟ بتقضوا أجمل وقت بين التلجات مع العيلة والأصحاب، بتلعبوا وبتنبسطوا وبتتمشوا بين الأرزات، وبترجعوا على الأوتيل وبتدوقوا أطيب أكل عالمي، مشوار كامل مكمّل!

للمزيد من المعلومات، اتصلوا على 777 413 70

4- La Maison des Sources – عين زحلتا، محمية أرز الشوف

بيت أثري عمرو 200 سنة جاهز يستقبلكن لما تطلعوا صوب غابة أرز الشوف، مغطى ببياض التلج وبيتميز بالقعدة الرايقة، هالبيت محضون بشجر أرز عمرو سنين ومثالي لمشواركن الطويل بالمحمية وما تنسوا دوقوا الأكل الطيب بالمنطقة!

للمزيد من المعلومات، اتصلوا على 308 574 70

شوفوا كمان، تعرفوا على ٣ أوتيلات أثرية عريقة بلبنان.