منتجعات مهضومة لضهرات مع العيلة والولاد

العيلة كل شي! وما في أحلى من مشوار محرز مع العيلة، تضحكوا وتلعبوا وتعملوا ذكريات ما بتنتسى. جبنالكن كم منتجع مهضوم بناسب ضهرات العيلة هالشتوية.

1- Faraya Village Club – فاريا

تجربة مميزة ناطرتكن عند هالمنتجع بقلب فاريا الساحرة، نشاطات حماسية من تسلق جبال ودروب مشي وتزلج وكزدورة بالمنطقة، وكمان مطعم بأكل كتير طيب.

الرقم: 666 320 09

2- Moonlight Farm and Resort – الباروك

منتجع مون لايت روعة كل السنة، في ألعاب ومطارح مهضومة للولاد متل قرية السنافر، مناظر طبيعية ومساحات واسعة من الجنينات بالصيفية والتلج بالشتوية، وقعدات دافية بعيدة عن العجقة!

الرقم: 339 133 71

3- منتجع اللقلوق Laklouk Ski Resort – اللقلوق

أكيد عبالكن تلعبوا بالتلج هالشتوية مع العيلة، ومنتجع اللقلوق من أفضل المنتجعات لتمارسوا رياضة السكي، بتتزلجوا وبتتمشوا بالتلج وبتنبسطوا بالطبيعة الجبلية بهل مطرح، مكان مميز للمجموعات الكبيرة.

الرقم: 006 430 09

شوفوا كمان، هيك أسعار الدخولية على أهم مراكز التزلج بلبنان هل-الموسم!