٥ تجارب شتوية مميزة لازم تعيشوها هالموسم
زهقتوا من القعدة بالبيت وعم تفتشوا على تجارب مختلفة ومميزة هالموسم؟ تعرفوا معنا على تجارب شتوية مهضومة ضروري تعيشوها هالسنة.
1- Caim – ميروبا
كايم هو عبارة عن بيت ضيافة مودرن قاعد بين الصخور بنص غابة ميروبا، عندو فيو مفتوح على الطبيعة الجبلية بتسرحوا فيها ساعات وساعات، بُعد هالبيت الساحر عن العجقة بخليكن تعيشوا الجو الرايق وتنبسطوا بالقعدة اللي بترد الروح وبتروق الراس، وفوق هيك مغطى ببياض التلج بالشتوية.
الرقم: 494 649 81
2- Pack and Go – إهدن
إذا عم تفتشوا على تجربة تخييم مهضومة ومريحة ودافية بالشتوية، باك آند غو بقدملكن خيمة قزاز مكنكنة بنص الطبيعة، فيها موقدة وقعدة ساحرة مع التلج، بالإضافة لبيت زغير متنقل، مأمن بكل شي رح تحتاجو!
الرقم: 657 901 71
3- Cedars Ground Campsite – عين زحلتا، الشوف
بهالمخيم فيكن تمارسوا نشاطات حماسية حد أرز الشوف بالشتوية، رياضة التزلج، دروب مشي على غابات الأرز، سهرات لتتفرجوا على النجوم، وفي كمان مراجيح، سينما بالطبيعة، وجلسة نار!
الرقم: 187 938 03
4- Se – الجبيل
عبالكن تتعشوا على صوت موجات البحر بالشتوية؟ مطعم سي بالجبيل بقدم قعدة قزاز رومانسية ودافية جنب البحر، لتمضوا وقت خاص مع أكل طيب ولسهرة غير شكل على ضو القمر.
الرقم: 046 796 09 – 250 350 76 – 333 111 81
5- Serenity – زحلة
قعدات من قزاز مع موقدة دافية، أكل طيب، سهرة مكنكنة، ووقت مميز، بتلاقوا عند Serenity، المطرح المثالي لضهرة شتوية مهضومة مع فيو خيالي على الجبال بزحلة.
الرقم: 050 091 03
شوفوا كمان، أجمل ٤ بيوت ضيافة محاوطة بشجر الأرز بلبنان.
