قهوة راس بيروت: قعدة على البحر ونفس بيروتي أصيل

قهوة راس بيروت قرروا يعملوا أطيب الأكلات اللبنانيي لي بتذكرنا بطفولتنا: سلطة فريكة، حمص بيروتي، بطاطا مقلية على الطريقة البيتوتية، عرايس كفتا وغيرن كتير.

شو فيكن تجربوا هون؟ شي مرة سامعين بالقليطة؟ القليطة هيي عروس بتاكلوها على العصرونية مع زعتر وكل الطعمات لي بتحبوها. إذا عبالكن تشوفوا غروب الشمس كمان قدام البحر، ما إلكن غير تاكلوا القليطة مع قطعة بسكويت على شوكولا وتمزمزوا ألذ فنجان قهوة على رواق.

المطعم مشهور كمان بالترويقة الفخمة لي بيعملها، بحضر مناقيش زعتر وجبنة، فطاير، لبنة بلدية، منقوشة قاورما، فتة حمص، لحم بعجين، جبنة، مربى، تشكيلة خضرة وزيتون مع فنجان قهوة غير شكل.

شو في أطيب من إنو يوصلكن الخبز المنفوخ طازة من الفرن وتغمسوا بلقمة لبنة!

أما اللحم بعجين، عجينتها رقيقة وبتشهي ومكوناتها كلها طازة، فالنتيجة منقوشة من العمر!

غير هيك، المازة اللبنانية عندن بتشهي على الآخر. إذا حابين تجمعوا العيلة أو الأصحاب على غدا مميز، إلكن كبة، رقاقات جبنة مقرمشة، ورق عنب، مقانق، حمص بقاورما، بطاطا بكزبرة، دجاج مشوي وصحن فتوش رح تكلوا صابيعكن وراهن!

يلي بميز هيدا المحل عن غيرو هوي مش بس أكلو الطيب، القعدة لحالها بتطول العمر! هيدي القعدة رح تذكركن بطفولتكن، قناطر وصور بيروت العتيقة معلقة على الحيطان، جو تراثي ساحر.

وغير هيك، مين ما بيتمنى ياكل مع منظر على البحر؟

ما في أطيب من فنجان القهوة تحت دياتكن، تركية أو اسبريسو رح تدوبوا بالطعمة والريحة!

تعرفوا أكتر عن خل مطعم اتصلوا على 200 259 03

شوفوا كمان، ٦ من أطيب مطاعم الكريب من كل ميلة بلبنان.