أجمل بيوت ضيافة بجبيل

كل شخص عبالوا قعدة بعيدة عن الضجة وعن العالم، رح نعرفكن على بيوت ضيافة موجودة بجبيل الضيع لي فيها لي بأمنولكن أحلى جو وأحلى قعدة لمدة يومين وأكتر.

١. مونتي فالي Monte Valley، غرزوز

فيلا حجر روعة موجودة بضيعة غرزوز الجبيليي، بتتمتع بفيو روعة على الجبل ومنظر بطير العقل، القعدة جوا دافية ومجهزة بكل شي، أما القعدة برا بتشرح القلب والروح. الأوض مكنكنين ودافيين وأكيد ما في أجمل من سهرة النار والمشاوي مع الأصحاب بهيك محل. حلو كتير الرواق بهيك مكان بعيد عن عجقة الناس والإستمتاع بالوقت مع الأصحاب والأهل.

الرقم: 185 104 70

٢. بيوت غلبون، غلبون

فإذا عبالكن تهربوا من عجقة بيروت وتقضوا وقت حلو مع عيلتكن أو أصحابكن بمنطقة جبلية كتير حلوة، مننصحكن تروحوا هالويك-أند على غلبون وفيكن كمان تحجزوا ليلة ببيوت غلبون: بيت البيدر، بيت الضيعة، وبيت رياض. قعدة بقلب ضيعة كل شي فيها طبيعي من الحجر والبيوت والأكل، هل مكان بيتميز بوجود قعدة حجر وفيكن تعملوا هايكينغ ومشي بالطبيعة بالإضافة لوجود البسين للصيفية.

الرقم: 756 532 03

٣. بيت فارس ولوسيا، جبيل

قعدة تراثية من الحجر العتيق عمرها فوق ال٢٠٠٠ سنة رح ناطرتكن بهل بيت. شو حيسحركن؟ أحلى قعدة على السطح المفتوحة على البحر مع أجمل منظر بجبيل كلا. بيجمع هالبيت جو الجبل والبحر بمحل واحد من خلال الغرف الساحرة والقعدة الدافية. مش بس هيك بحضروا أطيب أكل، مطبخن مفتوح على الجنينة لتاكلوا أكل صحي وتقليدي وطازة من خيرات الأرض وما في أجمل من الصبحيات والترويقة البلدية. ما تنسوا كمان إنو موقعو المميز بساعدكن تكتشفوا جبيل وتاريخها المميز.

الرقم: 141 210 03

٥. بيت البربارة، البربارة

بيت البربارة بيت ضيافة وأوتيل كتير حلو موجود بمنطقة البربارة بجبيل، بيتألف من 3 بيوت لبنانية قديمة عمرها فوق ال130 سنة ذات طابع تراثي جبلي معمولة من الحجر من برا ومن جوا مع قناطر مميزة وديكور بياخد العقل. بهل محل بتلاقوا كمان أوتيل مميز ومرتب، مشغول صح وفي وبيسين. الغرف كتير حلوة والفرش مرتب ونضيف والألوان بتريح النظر. كل شي معمول ليحمي صحتكن ولتناموا منيح: لحاف ومخدات ريش وكل شي نضيف ومريح لتغفوا بغمضة عين. وحتى الأكل طبيعي وorganic ومقدم بالفخارة والعصير والمربيات فريش، اللبنة، الجبنة، الفول المدمس والكشك شغل البيت، رح توعوا على أطيب ترويقة.

الرقم: 755 975 78

شوفوا كمان، بنص الشتوية: ٢٠ شغلة تعملوها بضيعة حمانا.