شو صار ب١٩ حزيران ٢٠١٨؟: تفاصيل زفاف ابن المصمّم إيلي صعب

عرض الزواج تم ب حزيران ٢٠١٨.

تزوّج ابن المصمّم العالمي إيلي صعب، لي كمان اسمه إيلي صعب، من كريستينا مراد يوم الجمعة الماضي بعد خطوبة دامت سنة وشهر من طلب إيلي الزواج من “كيكا” ببيته. ما قطع عمعرفة إيلي بكريستينا أكتر من ٣ أشهر قبل ما يطلب إيدا وكان خيو لإيلي -سيليو- صاحب الفضل بلقاء الزوجين السعيدين بعد ما جمعته سنوات من المعرفة بكيكا. وكيكا طلبت من إيلي صعب الأب تصميم فستان زفافها بس التقت فيه لأوّل مرّة من ١٠ سنين وتحقّق حلما عنجد.

حسّت كيكا بالرّاحة بتعاملا مع حماها وإنها بأيدي أمينة وفعلاً قدر يفهم شخصيتا ويصمم فساتين بتناسبا لدرجة إنها بكيت من التأثّر بأوّل تجربة إلها لفستان الزفاف: انغرمت فيه من النظرة الأولى متل ما سرقت قلب إيلي الابن من اللّمحة الأولى. تخطّى الفستان توقّعات كيكا وكانت لحظة عاطفية كتير بالنسبة إلها.

حضر احتفال الزفاف حوالى ١٠٠٠ ضيف ومن بينهم مشاهير وفنانين متل عاصي الحلاني وهيفاء وهبي ونانسي عجرم وإليسا. بلشت الاحتفالات قبل بيوم من العرس ب Le Plateau de Bakish بالقرب من Faqra Club، والعرس صار ببكركي بمباركة البطريرك الراعي، أمّا سهرة العرس فكانت لوجّ الصبح بFaqra Club.

تزينت السهرة ب ٣٦٥ شمعة كرمز لكل أيام السنة وتم تزيين الكاتو ب٥٢ شمعة كرمز لجميع أسابيع السنة.

وأكيد عم تسألوا حالكن: وين شهر العسل؟

رح يعمل هالثنائي الجميل شهر العسل برحلة رح تبلش بالبحر الأبيض المتوسط وبدن يروحوا عأماكن مختلفة كمان ومنها إيبيزا وكابري وبودروم وحتى جبال الألب. منتمنى لهالثنائي السعادة الدائمة.

تفرجوا على الفساتين لي لبستا كيكا بالترتيب بهالصور:

كيكا وإيلي بحفلة قبل العرس:

فستان زفاف كيكا:

فستان السهرة -١-:

فستان السهرة -٢-: