انواع ولاد الجیران یلي بتشوفھن كل یوم بالحي

مين فينا ما بصادف كل يوم ولاد الجيران بالحي هوي و راجع عل بيت او هوي و طالع من البيت.. خلينا نتعرف ع انواع الولاد يلي منشوفن:

١- الولاد الطوشة يلي بيحكوا بصوت عالي لدرجة بتصير تعرفن بس من الصوت حتى لو ما شايفن.

٢- الولاد المزعجين يلي بقضوا لعب ليل نهار تحت البيت و بيصرعوك بالصريخ و العييط.

٣- الولاد السوبر مهذبين يلي بس يشفوك جاي بيهربوا و بيتخبوا منك ( عأساس انت شي بعبع )

٤- الولاد يلي ولا عبالن.. يلي بتمرق من حدن او اذا بتحكيهن ما بعذبوا حالن حتى و بردوا ( كأنوا منك موجود)

٥- الولاد يلي بنقوا .. خصوصي اذا عندك خي صغير بالبيت بقضوها كل شوي ينقوا لتخلي خيك ينزل يلعب معن بالشارع.

٦- الولاد المفزلكة يلي بضلن يحكوا كإنن كبار و بمواضيع اكبر منن

٧- الولاد البلا ادب يلي بكونوا ناطرينك لتمرق من حدن ليبلشوا يسبسبوا او يحكوا حكي غلط.

٨- الولاد يلي بضلن يسألوا اديه الساعة .. و كل ما يشوفوك بيسألوك اديه الساعة عمو؟

٩- ولاد التكنولوجي يلي بكون حامل تلفون او ايباد و يا ارض اشتدي ما حدا ادي.

١٠- ولاد البيت يلي انجأ بتشوفن بالجمعة مرة لانو ما بينزلوا اصلا عل شارع.