مين هي عروس بيروت يلي شاغلي الكل؟

اثار مسلسل “عروس بيروت” ضجة كبيرة على مواقع التواصل الاجتماعي من حلقاتو الاولى وصار الهاشتاغ #عروس_بيروت الاكتر تداولا على تويتر خصوصي انو المسلسل مأخوذ من النسخة التركية (عروس اسطنبول) يلي انعرض على الشاشة سنة ٢٠١٧. فتنوعت الاراء بين يلي حبو ويلي كانو ضد فكرة النسخ، باعتبار انو ما كان في ابدا تعديل بالاحداث والشخصيات.

و بيحكي المسلسل عن علاقة حب تجمع بين “فارس” (ظافر العابدين) الابن البكر لعائلة ضاهر و”ثريا” (كارمن بصيبص) المطربة يلي تولت خالتها رعايتها بعد موت اهلها، وصراعهم مع والدة فارس يلي بتلعب دورها الممثلة تقلا شمعون.

والملفت بالمسلسل هو اتقان الممثل التونسي ظافر العابدين اللهجة اللبنانية و الكل بأكد على الchemistry القوية يلي بتجمع البطل والبطلة. فالمسلسل هو مزيج من الحب والرومانسية والدراما.

يلي بعض ما حضر المسلسل، فيكن تتابعوا من الاحد للخميس الساعة ٩:٠٠ بالليل على قناة MBC4.