٥ مقاهي ومطاعم خاصة لمحبي الأفلام والمسلسلات بلبنان

شي مرة تخايلت حالك قاعد بمطرح بيشبه مكان تصوير فيلمك أو مسلسلك المفضل؟ إذا كنت مهووس بفيلم أو بمسلسل وعبالك تقعد تشرب شي أو حتى تاكل بمطرح بذكرك فيه، نقينالك هال5 مطارح لتجربهن:

La casa de burger

ما بفتكر ضروري نحكي عن هالمطرح كتير، إسمه بعرف عنه! مين ما بيعرف مسلسل la casa de papel لعمل ضجة كبيرة بآخر كم سنة؟! إذا كنت من محبي هالمسلسل، لازم تجي عبدارو أو عكفردبيان تقعد وتجرب الأكل لعنده… أكيد ما رح تندم!

Pablo Escobar Coctel y Cocina

إذا كنت بتحب مسلسل ناركوس لبابلو اسكوبار، فيك تجي عواحد من فروع هالمطعم لموجود ب: ريفون، وجونية، وبرومانا، وحازمية، وأشرفية وفقرا.

Castle Black

هالمطرح موجود بزحلة، فإذا عبالكن تقعدو بمطرح مع رفقاتكن وتتذكرو مسلسل Game of Thrones، ما رح تلاقو أحلى منه.

Newyorker Cup Lebanon

موجود ببدارو، وجبيل والبترون. لما بيعرفو، هالمطرح ما بيشبه Central Perk بس الحلو فيه هو إنو بيعرض مسلسل فرندز كل اليوم ففيكن تجو مع رفقاتكن لتشربو قهوة وتاكلو حلو إنتو وعم تحضرو المسلسل.

Chaplin bar

إذا كنت بتحب الأفلام الصامتة وتشارلي تشابلن، لقينالك المطرح لبناسبك! إذا كنت قريب من مار مخايل وعبالك تشرب شي أو تاكل شي خفيف مع أصحابك، بفتكر صرت تعرف لوين تروح!