لمحبي ال Burger بلبنان جربوا هالمطاعم

من المعروف انو مش وين ما كان البرغر طيبة، كرمال هيك كلنا منكون دقيقين عالمطعم لما نقرر ناكل برغر لنتأكّد انها غير شِكِل وعلى ذوقنا. ولأنّ المخاطرة ما عطول بتنقُش مع الانسان حبّينا نخبركن عن هال ٦ مطاعم اللي بقدمّو أطيب وأشهى ال Burgers.

1. Smoking Bun

مطعم موجود ب سن الفيل وبشارع مار ميخائيل بقدّم أشهى وأطيب Burgers ب لبنان، بقدّمها بكلّ أنواعها وبالطّعمة والشكل اللي بحبّهن قلبك. وهيدا الفيديو أكبر دليل، حضروا!

2. Maxi Burger

وللأشخاص اللي بحبوا ال Extra Cheese بال Burger ما الكن الّا هالمطعم الموجود ب سن الفيل – جسر الواطي – مقابل محطة فلاح. البرغر حجمها كبير ومليانة لدرجة ما فيك تحملها الا بالإدتين سوا! شوفوا هالصورة.

3. Burger Bros

وللأشخاص اللي بحبو ال Chips هيدا المطعم بيجمعهن مع البرغر، والصورة لحالها بتحكي عن طعمتها الطيبة. ما تترددوا تزوروا بفرع بيبلوس و بفرع الكسليك.

4. Burger Inn

المطعم موجود بصيدا، وخصّص برغر للأشخاص اللي ما بتعمل معهن شي البرغر العادية. شوفوا هيدي البرغر بالحجم العائلي كتير بتشهّي، بس برأيكن في حدا ياكلها لحالو؟

5. Juicy Grill

هيدا المطعم موجود بجونيه، مش مبالغة اذا قلنا عن البرغر اللي بقدمها انها خيالية بكلّ انواعها بالطعمة والشكل! مثلا مين ما بحبّ ياكل برغر ب هالضخامة والدسامة؟

6. Murray Resto Café

هالمطعم اللي موجود ب جونية وانطلياس عنده تقدمه كتير فريدة من نوعها! مين بحبّ يكون هيدا السيخ البرغر بس لإلو؟

7. Gordon’s Café

بوسط بيروت، مطعم بيجمع بين القعدة الحلوة والأكل الطيّب. وبشكل خاص البرغر عندو كتير بتشهّي، يعني متل ما منقول باللبناني بتحسّها هيّ عم تعيّطلك!

وهلّق عند مين قرّرتوا تروحوا أول شي؟