أشياء مهضومة بتعملهن كل تيتا لبنانية

ما في متل التيتا.

١. بتقول عنك عبقري لأن “زبطلها التلفون” (شلتو عن silent)

٢. بتعزمك على غداء “من قريبه” وبكون وليمة

٣. بتحط صورتك على بروفايل ال-whatsapp

٤. بتعزمك على الغداء كل يوم حتى لو شغلك بالحمرا وهي عايشه ب بئر حسن

٥. بتشوف حالها على جدكن: كان قاتل حاله عليي، أول مرة تقدملي قلت لأ

٦. كيف ما كان شكلك، بتقول عنك حلو

٧. وشو ما كنت لابس، بتشوف إنو كتير لابقينلك (وإنت بتكون بالبيجاما)

٨. ما بتفهم كيف بعدك أعزب:” كل هالجمال وهل طله، ليه ما عندك حدا؟”

٩. إذا عرفت انك مريض، بتبعت شي ٤ كيلو شوربة وبتضل تطمن عليك على شي شهر