ألعاب قديمة بذاكرة كل لبناني

تعتبر الألعاب جزء كتير كبير من حياة الأولاد، سواء كانو من الجيل القديم أو من الجيل الجديد. مع تطور الحياة، تغيرت أنواع الألعاب وفي منها انقرضت، يعني الألعاب لكنا نضيع وقتنا كله عليها نحن وصغار بطلت تعني شي للجيل الجديد هلأ.

إذا عبالكن ترجعو بالزمن لورا لقبل ما تاخد الvideo games عقول كل الأولاد، نقينالكن هالمجموعة من الألعاب لكبرنا عليهن:

١. 7 حجارات

كنا نقسم بعض لفريقين والفريق لبوقّع كل الحجارات لمحطوطين فوق بعض بالطابة هو لبيربح.

٢. مونوبولي

هاللعبة انشهرت كتير بالتمانينات والتسعينات وبعض الأولاد بعدن بيلعبوها لهلأ.

٣. الغلل

كنا نجمع كم غلة حد بعض وبعدين نضربهم بغلة عن بعيد ولبيقدر يحركهم كلن بيربح.

٤. Pinball

كل الأولاد لعاشو طفولتهم قبل الأتاري والplaystation، قضو وقت طويل عهاللعبة.

٥. غميضة/ بوليس وحرامية

هاللعبة إلها كتير أسماء وهي من الألعاب القليلة لبعدن الأولاد بيلعبوها لليوم.

٦. لعبة الX

ومين ما بيتذكر هاللعبة لكنا نلعبها بالمدرسة وبالبيت ووين ما كان؟! خبرونا كم مرة زعبرتو بهاللعبة وزبطو إجركن قبل ما حدا يشوفكن؟

قلولنا إذا نسينا شي لعبة!