رابحين ملك جمال لبنان: وين صاروا اليوم؟

بالاسابيع الماضيه تم تتويج ملك جمال لبنان لعام ٢٠١٩، محمد صندقلي. كتير منا منعتبر إنه الفوز بي هاللقب مجرد show off وبتبلش النكت تنهال عالملك والمشتركين.

بس من ناحية تانية وعلى المدى البعيد، هيدا الرابح عم تنفتحله الفرص، ببلد ما في كتير فرص على الصعيد المهني. رح نذكر بعض الرابحين ونشوف كيف اثر اللقب على حياتن.

غسان المولى

غسان المولى هو ابن الملاكم المعروف محمد المولى. فاز غسان ب لقب ملك جمال لبنان سنة ١٩٩٧. انعرف بأعمال عديدة وأبرزها تمثيل فيديو كليب “اطلع فيي هيك” للفنانة كارول سماحة. والملفت انه بعد ٢٢ سنة، غسان بعده محافظ على لياقته البدنية. حالياً، غسان بيشتغل Fitness consultant و Personal trainer، وبيمتلك النادي الرياضي Heart Beat Gym Beirut.

عمر محيو

إذا قلنا عمر محيو منقول الشحرورة. عمر هو ملك جمال لبنان لعام ٢٠٠٠ اللي ارتبط اسمه باسم الشحرورة صباح بعد علاقة حب جمعتهن سوا. حالياً، عمر ابتعد عن عالم الشهرة وبيمتلك ماركة مجوهرات بإسمه.

أسعد طرباي

اتتوج أسعد ملك جمال للبنان سنة ٢٠٠٣، وبعدها قام بإنتاج فيلم My Last Valentine in Beirut سنة ٢٠١٢. فممكن نقول انه آسعد فضّل يبقى ورا الكاميرا مش إدامها.

وسام حنا

بعد فوزه بلقب ملك جمال لبنان سنة ٢٠٠٥، قدر وسام يحترف التمثيل وتقديم البرامج، بالإضافة لمشاركته ببرنامج الرقص مع النجوم. منقدر نقول انه وسام مش أشهر وأنجح الشباب اللي فازوا باللقب. يعني من الآخر عرف كيف يقطفها.

أيمن موسى

ما فينا ما نتذكر أيمن موسى، اللي فاز سنة ٢٠١٣، إلا ما نتذكر معه نانسي عجرم والبطيخ واغنية ما تيجي هنا وانا حبك.