كلمات مضمونها سلبي بتحمل معنى ايجابي

نحنا اللبنانية عنّا أسلوب غريب بالحكي. بمعظم الأحيان، وكرمال نكون محترمين، منحاول نستعمل كلمات لطيفة بتحمل معنى إيجابي بشكل عام بس ب سياق سلبي.

كتّر خيرك: المعنى الأساسي من هل كلمة كتير إيجابي. شو في أحلى من إنك تتمنى الخير لحدأ. بس لبنان إذا حدا قلك كتّر خيرك عروف انه ممكن يكون كتير انزعج من تصرف بدر منك.

عمول معروف: بشكل عام تستعمل عبارة عمول معروف لطلب خدمة معينّة. الّا انه نحنا مستعملها بحدّية بغاية اسكات الآخر.

تفضّل: في أحلى من انه يستقبلك حدا ع باب بيته بكلمة تفضّل؟ بس كمان ممكن حدا تاني يقلك تفضّل كرمال يعبرلك عن انزعاجه من شي سلبي.

شرّف: فينا تتشرف بالدعوة لحضور مناسبة رسمية. وممكن رفيقك يطلب منك تشرّف تجي وقت يكون معصب منك.

إذا بتريد: بالمعنى الإيجابي، تستعمل هيدي العبارة كرمال أخد موافقة الشخص. الا انه ممكن تستعمل بشكل سلبي بنفس معنى عمول معروف.

حبيبتي: مش ممكن هيدي الكلمة الا انه تحمل معنى حلو نابع من الحب. الّا انه نحنا اللبنانية منستعملها بطرق سلبية بغاية الاستفزاز.