أغاني عشوائية صارت رموز للثورة اللبنانية

بتاريخ ١٧ تشرين الأول بلشت المظاهرات بكافة المناطق اللبنانية بتطالب بتحسين الوضع الاقتصادي اللي تحولت خلال أيام لثورة شعب ضد سلطة صرلها ٣٠ سنة بالحكم. لما نقول ثورة منقول أغاني ثورية.. منقول تعلا وتتعمر يا دار، منقول منرفض نحنا نموت، لبنان رح يرجع وغيرها. الغريب بالموضوع انه في أغاني تانية صارت رمز من رموز الثورة مع انه ما الها مضمون ثورجي لا من قريب ولا من بعيد.

انساي

الديو بين الفنان المغربي سعد المجرد والممثل المصري محمد رمضان. على الرغم من انه هيدا الديو ما إله صلة بلبنان ولا بأي شكل. الّا انه مضمون الكلمات ممكن يكون قلها معنى ممكن نفش خلق أي ثائر عم يتوجه بكلمة للسياسيين من خلال عبارات متل “انساي” و “يلا باي”.

Baby Shark

أول أيام الثورة كانت بتحمل غضب شعبي كبير وتسكير طرقات وفوضة.. الّا انها ما خليت من بعض الضحك والفكاهة من خلال موقف صار بأحد الطرقات المسكرة. كان في سيدة مع ابنها الصغير بدها تقطع الطريق بسارتها.. طلع مع الشباب الثوار انه يغنوا للولد Baby Shark كرمال ما يخاف. هيدا الفيديو اللي انتشر بلبنان وبرا وخلى غنية Baby Shark تصير تذكرنا بالثورة.

فاكر لمّا تقلي هسيبك

مع شوي إضافات لكلمات أغينة فضل شاكر “فاكر لمّا تقلي هسيبك” بتصير الأغنية بتناسب بعض الثوار لوجهوا كلمة لأحد السياسيين. والجدير بالذكر انه هيدي الغنية عمرها اكتر من ١٠ سنين. بس أكيد غيروا فيها شوي.

Bella Ciao

على الرغم من انها مش لبنانية وكتير ناس بترددها من دون ما تكون عارفة معناها، إلّا انه أصداء هيدي الأغنية دايما إيجابية وخصوصي خلال الثورة.

من أين لك هذا

اللي بيسمعها بفكر انه الفنان محمد إسكندر عملها خصوصي كرمال الثورة. بس بالحقيقة هيدي الغنية نزلت كذا شهر قبل الثورة.