فريق كرة قدم لبناني يتوّج بطلًا لكأس الإتحاد الآسيوي

بوقت كان اللبناني عم يثور ببلده ويحلم ببلد أفضل، كان فريق العهد اللبناني بمدينة كوالالمبور بماليزيا عم يرفع إسم لبنان بالعالي.

ما كان نهار الاثنين 4 نوفمبر 2019 يوم عادي بالنسبة لكرة القدم اللبنانية. قدر فريق العهد اللبناني يفوز على فريق “25 أبريل” الكوري الشمالي بفارق 1-0. بالدقيقة ال74، سجّل اللاعب عيسى ياكوبو هدفه الأول بالمباراة ليتوّج لبنان من خلاله بطل لكأس الاتحاد الآسيوي.

تحسّن أداء هالفريق كتير بآخر كم سنة وصار عم يقدم مباراة قوية ومحترفة نوعا ما. بهالموسم، قدر يربح على كتير فرق عربية وآسيوية تعتبر منافسة وقوية.

فريق العهد مش أول فريق لبناني بيوصل لنهائيات هالبطولة، بس أول فريق بفوز بهاللقب. سبق لفريق النجمة ووصل للنهائيات بسنة 2005 وفريق الصفاء كمان بسنة 2008، بس كان حظهم قليل وما قدرو ياخدو الكأس، وهيك بكون فريق العهد أول من فاز ببطولة الإتحاد الآسيوي بتاريخ الأندية اللبنانية.