منتجات لبنانية ١٠٠٪

بالأيام الأخيرة عم يقطع لبنان بأزمة مالية واقتصادية حادة، وهي الأقوى بتاريخ لبنان الحديث. ونحنا كلبنانيين عناّ كتير واجبات لمساعدة الاقتصاد اللبناني حتى لو كانت المساهمة خجولة. من أكتر المبادرات الفعّالة هي دعم الصناعة المحلية اللبنانية من خلال شراء منتجات وسلع مصنّعة ب لبنان. خلينا نتعرّف على بعض المنتجات كرمال نعرف شو لازم نشتري لماّ نزور السوبرماركت.

غندور

مين فينا ما بيعرف الطربوش، توتي فروتي، اونيكا، دبكة، توفي لاك وكتير غيرن. منتجات غندور ربينا عليها واجا الوقت انه نشجعها كرمال ندعم الإنتاج الوطني.

Poppins

من سنة ال١٩٩٨ وعنّا ب لبنان انتاج محلي للكورن فليكس. “لبناني وحاسس معكن” كانت دعاية شركة Poppins للتأكيد على عدم زيادة أسعاره بالوقت الحالي.

Beesline

المنتج الأكتر شعبية لشركة Beesline هو للعناية بالشفاف. الاّ انه هيدي الماركا عندا كتير منتجات للتجميل مفيدة.

الوادي الأخضر

واذا بدنا معلبات ومواد غذائية، شو أفضل من الوادي الأخضر اللي عنده تنوع بالمنتجات

Hayat

مش كلنا منعرف ماركة حياة اللي عندها العديد من منتجات التنظيف. “لأنو لبناني متلكن.. ما غلينا اسعارنا عليكن” الحملة للتأكيد على عدم غلى الأسعار.

بزورات

قزي، الرفاعي، كستانيا، كريكيتا متوفرين بكافة المحلات، إذا اشتريناهن منكون عم نشجع الصناعة الوطنية.

بيرة

وكمان عنا تشكيلة كبيرة وطيبة من البيرة المحلية: Almaza, Beirut Beer, 961, Colonel Beer, الريس

Marie France

حتى لو الاسم فرنسي الاّ انه المنتج لبناني ١٠٠٪