مطارح مميزة لتتغدوا وتقضوا وقت حلو مع العيلة والولاد

ما في أحلى من ضهرة حلوة مع العيلة والولاد بهل الطقس، وكرمال هيك، عملنا جولة على كم مطرح مثالي لتتغدوا وتقضوا وقت مع الولاد.

1- كلاي – قرنة شوان

بتلاقوا عند كلاي أكل لبناني وعالمي كتير طيب، قعدة مريحة، جو عائلي، وألعاب مختلفة ومتنوعة للولاد من كل الأعمار، من ملعب كبير حتى ألعاب البلاي ستايشن!

الرقم: 575 914 04

2- ريد دير Red Deer – الحدت

هالمطرح مناسب للجمعات الكبيرة والغدوات العائلية، بتنبسطوا بأطيب الأطباق البيتوتية اللبنانية وحتى العالمية بأجواء عائلية مميزة، وكمان عندن أنشطة مختلفة للولاد!

الرقم: 990 923 05

3- بيو ماس – جربتا

إذا عبالكن أكل بيتوتي مميز وطازة من المزرعة، جو ريفي مناسب للعيلة، جنينات واسعة من المناظر الطبيعية وملاعب للولاد، أكيد طلّوا صوب مطعم بيو ماس لوقت ما بينتسى.

الرقم: 532 532 03

4- جلسة ليزا – المتن، زغرين

بدكن قعدة حجر بالطبيعة بتطل على جبال عالية وسفوح خضار؟ مطعم جلسة ليزا بيقدم الأكل الطيب والأجواء المفرفحة مع نسمات هوا بتشق القلب، وفوق هيك ألعاب ومراجيح للولاد كتير حلوة، يعني بيطلعلكن مشوار حلو لكل العيلة!

الرقم: 934 158 03

5- Domaine de Taanayel – تعنايل

بتلاقوا بهل مزرعة بتعنايل اللقمة البلدية الطيبة وجو الضيعة وحيوانات أليفة مهضومة ومساحات خضراواسعة، من أروع الأماكن تزوروها مع العيلة!

الرقم: 861 383 81

شوفوا كمان، قرب الربيع..زوروا هل المطارح الساحرة بقلب الطبيعة.