شوفوا معنا أسعار بوفيه الأحد بهل-٤ مطاعم بلبنان!

ما بيكمل الأحد من دون عزيمة الأحباب على أطيب سفرة أكل، كيف إذا كان بوفيه؟ يا عين! كرمال هيك، جبنالكن كم مطرح مهضومين ببيروت بيعملوا بوفيه بل ويك-اند غير شكل!

1- Ni Cafe– فروع مختلفة

هالكافيه بيجمع بين الجو المودرن، القعدة الحلوة، والتجربة المميزة بمطرح واحد، بيقدم أكل إيطالي كتير طيب من باستا كريمي وبيتزا خفيفة وحتى أطباق يابانية شهية من حلويات وسوشي وقصص روعة، كلو معمول على أصولو والطعمات على القد!

البوفيه كل جمعة وسبت وأحد من 10 الصبح حتى ال12 الضهر، بيقدم مختلف المأكولات الشهية والغنية بالنكهات العالمية والحلويات غير شكل، بتجربوا لقمة من كل شي وأكتر ب10$!

الرقم: 952 999 71 – 951 999 71

2- Bar Tartine – فروع مختلفة

تحديداً بس بفرع ضبية، بتميلوا صوب بارتارتين وبتدوقوا بوفيه خيالي كل سبت وأحد من 9:30 الصبح حتى 12:30 الضهر! بيقدموا أطباق معمولة من مكونات عالية الجودة وطازة، مخبوزات ريجتها بتفتح النفس، عصير وأكلات متنوعة لكل حدا اللي بحب يجرب طعمات جديدة وغنية الصبح!

السعر 16$ على الشخص، مطرح كتير مميز لقعدة مع الأصحاب.

الرقم: 493 054 04

3- مندلون كافيه – اشرفيه – ضبية

بتطلوا صوب كافيه المندلون بفرع الأشرفية أو فرع ضبية بين الساعة 8:30 الصبح وال12 الضهر وبتجربوا أطيب أكل غني بشبّعكن النهار كلو! أنواع شهية من الجبنة، مخبوزات طازة ريحتها بتدوخ، عصير فريش، أطباق من البيض، كيك بطعمات مختلفة، وقصص كتير شهية ناطرتكن بالماندلون!

بتدفعوا على الشخص 15$ وبتبلشوا نهاركن بأطيب وأجمل طريقة مع أصحابكن.

الرقم: 700 321 01 – 411 545 04

4- كليلة – وسط بيروت

هالمطعم الجديد بيقدم تجربة أكل مميزة وقعدة مودرن ومرتبة بوسط بيروت، بتجربوا عندن أطباق لبنانية بطعمات روعة، أكلات جديدة وغريبة، وتقديم كتير حلو وفني. هالمطرح مثالي لقعداتكن الحلوة وأوقاتكن الخاصة مع الأحباب والأصحاب.

وبتجربوا من البوفيه أطيب الأكلات المتنوعة والمحرزة من برغر شهية مع صوص غير عالم، مازة لبنانية متنوعة، وأطباق مليانة لراسها، والسعر للشخص 19$.

الرقم: 058 580 03

شوفوا كمان، هيك أسعار ساندويش الفلافل عند أشهر المحلات بلبنان.