عشاق الكنافة، محل خصوصي إلكن ببيروت

الكنافة هيي الشي الوحيد يلي ما ممكن نبعد عنو! حابين نعرفكن على محل مميز عم بغير مفهوم الكنافة بالبلد إسمو The Original Knafeh لمحمد نمر الوادي لي عندو أطيب كنافة.

يعني إذا كنتو مفكرين إنو مستحيل تحبوا الكنافة أكتر من هيك، بتكونوا غلطانين.

مشو معنا على The Original Knafeh، هل محل عبارة عن مخزن كنافة، بتفوتوا بتلاقوا كل شي في معمول من كنافة، بيفتح كل يوم من ال6 الصبح لل12 بالليل، يعني فيكن تضلوا تاكلوا كنافة من عندن الصبح، الضهر وعشية!

عندو خيارات كتيرة ومتنوعة، ونحن منأكدلكن إنو رح يعجكنكل شي! كنافة بالكعكة، كروسان على كنافة، وصحن كنافة ويلي بدكن يا!

اختاروا بين كعكات متعددة الأحجام وأطيب الصوصات، أو حتى ميني كعكات كنافة للعزايم! فيكن تجربوا الكنافة على قشطا أو بجبنة وحتى رح تلاقوا كنافة على جبنة مجففة مع صوص دايت للأشخاص لي عم يعملوا رجيم أو معن سكري.

الكنافة يلي معمولة من تشكيلة جبنة مميزة ومحلاية بقطر ومي الورد حتخليكن ترغبوها كل يوم على الترويقة وحتى كل دقيقة.

حزروا شو؟ فيكن تاخدوا الكنافة معكن على البيت تاكلوها بس بدكن، بقلب نايلون وتضيفوا منها أو تبعتوها مع الولاد على المدرسة.

من أشهر الأطباق لي فيكن تجربوها عند The Original Knafeh هيي الكروسان على كنافة بجبنة أو صحن الكنافة بقشطا.

جربوا وخبرونا شو رأيكن! صحتين!

العنوان: كورنيش المزرعة، بيروت

الرقم: 931 741 71

شوفوا كمان، ٥ مطاعم بيعملوا أطيب صحن ورق عنب صيامي.