مشوار على البقاع…أطيب ٦ مطاعم مع قعدة مميزة

كلنا منعرف أديه البقاع مشهور بالمناظر الطبيعية على مدار السنة، بتلاقوا بياض التلج بالشتوية، والوادي المغطى بخضار الشجر وجمال الورد بالربيع، الشمس والبحيرات ونسمات الهوا بالصيف، وجمال وغنى الأرض بالخريف، هالقطعة من لبنان تحديداً عبارة عن جنة على الأرض! عبالكن تتغدوا بهل الجنة؟ شوفوا معنا أطيب مطاعم البقاع!

1- مزارع اللقيس – زحلة، شتورة

الأكل عند اللقيس بيوصل طازة من المزرعة على السفرة، وعندن صفيحة طعمها غير عالم، من أشهر الأطباق اللي عندو!

زحلة 490 931 08

شتورة 490 542 08

2- سما شتورة – عميق

مطعم سما شتورة عندو قعدة تراس مع جنينة بترد الروح، وأكل لبناني مميز ومازة بيعملها بكل فن وشطارة بطعمات مبتكرة.

الرقم: 388 045 70

3- وادي شمسين – وادي البقاع

بتلاقوا عند وادي شمسين قعدة ساحرة جنب البحيرة، جو كتير حلو للجمعات الكبيرة والعيل، ألعاب ونشاطات للولاد، وأكل لبناني كتير طيب.

الرقم: 377 677 81

.

4- مطعم أمالين – كاسكادا فيلدج، تعنايل

صار فيكن تجربوا القعدة الحلوة جنب بحيرة أمالين وسفرة من أكل لبناني أو عالمي! عندن مختلف الأطباق الشرقية وكمان مأكولات بحرية شهية.

الرقم: 000 600 81

5- مطعم نبع عنجر – عنجر

تخايلوا حالكن عم تاكلوا أطيب أكلة سمك على صوت مي النبع! مطعم نبع عنجر عندوأكل طيب وقعدة ساحرة ومضوية من كل الميلات!

الرقم: 111 622 08

6- مطعم الشمس – عنجر

مطعم الشمس محبوب كتير بمنطقة البقاع، بيقدم أكل لبناني وأرمني كتير طيب، مشاوي شهية، طبخات محرزة، وأكلات دسمة، وكمان عندو جنينة، قعدة ورد وشجر جنب المي بتاخد العقل!

الرقم: 800 620 81

عبالكن ضهرة بقلب بيروت؟ جنينات وقعدة تراس بقلب بيروت…شوفوا معنا هل كافيهات الساحرة.