شوفوا معنا مطاعم بصيدا لأكلة سمك ولا أطيب!

مشوارنا اليوم خص نص لعشاق السمك والأكل البحري! تعرفوا معنا على أطيب المطاعم البحرية بصيدا لأكلة سمك بتاكلوا صبيعكن وراها.

1- فلوكة غسان

فلوكة غسان مطعم فخم لعشاق السمك، بتلاقوا منيو مميز للمأكولات البحرية عند غسان، سمكة حرة، وقريدس مع مانجو وأناناس، طاجن سمك، سمك مقلي ومشوي بتتبيلة روعة، وكل الأنواع والأصناف اللي ممكن تخطر عبالكن!

الرقم: 711 725 07

2 – سموكة

سموكة بيقدم أطيب أكلة سمك بكل شطارة وإحترافية! بتاكلوا سمك السلمون مشوي وطازة من عندن من المسمكة، سردين مع بصل وبندورة، ساندويشات أو سلطة قرديس، أو حتى عثملية بالقريدس، طعم جديد وكلو قرمشة.

الرقم: 851 732 07 – 872 605 70

3- شبكة و صنارة

عند شبكة وصنارة نقوا واستحلوا! عندو أنواع شهية من السمك والمأكولات البحرية، بيقدم مازة طيبة متل فتة القريدس والبطاط الحرة، وأطباق شهية من القرديس المشوي والسردين والكلمار والأخطبوط، الحصص كريمة والسفرة مميزة!

الرقم: 151 731 70 – 444 993 71

4- Saida Rest House

استراحة صيدا مشهورة بالسمك المقلي اللي بشهي والقريدس المشوي بكل شطارة، سفرتن ما في منها وقعدتن جنب البحر وقلعة صيدا القديمة بترد الروح!

الرقم: 469 722 07

ما اشتهيتوا أكلة سمك بعد؟

شوفوا كمان، مشوار على البقاع…أطيب ٦ مطاعم مع قعدة مميزة.