شوفوا معنا ٢٢ متل لبناني مهضوم عن الضيعة

وين ما رحتوا وجيتوا بلبنان بتسمعوا أمتال مهضومة بتصوّر تراثنا وتاريخنا وأسلوب حياتنا ولغتنا. اليوم رح نعرفكن على أمتال لبنانية مهضومة عن الضيعة.

1- “اركب الديك وشوف لوين بيوَدِّيك”

2- “نسيت يا فلاح زمان كان كعبك مفسَّخ والزبل محشي فيه!”

3- “جحش الضيعة بذاتو، أفهم مني بعقلاتو”

4- “متل الزيتون، ما بيجي إلا بالرص”

5- “قالو لديك صيح قلن كل شي بوقتو منيح”

6- “جابوا الديب تيعلموه القراية قالوا له: قول ألف، قال: عنزة”

7- “العنزة الجربانة ما بتشرب غير من راس النبع”

8- “حايص متل دجاجة بدها تبيض”

9- “حِط إيدك بوكر الدبابير وقول هيدا من التقادير!”

10- “الدِّيك بيموت وعينو بالمزبلة”

11- “إن ضبطت المَي بالغربال بتأمِّن المرا للرجّال”

12-“حَطّوا ذنبة الكلب بالقالب أربعين سنة بقيت لَوقة”

13- “تيس الجبل ولا فيلسوف المدينة”

14- “ابن البط سباح وابن الكلب نبّاح”

15- “عنزة ولو طارت”

16- “راح ع حصان، رجع ع بغل”

17- “بيلهي الحمار عن عليقه”

18- “يلي ما بيطال العنب بيقول عنو حصرم”

19- “حاسبني مشمشة كل ساعة بتهزّ فيّ؟”

20- “تزوّجنا وجبنا غريبة، زِوان بلادك ولا القمح الصليبي”

21- “الجدي لعب بعقل التيس”

22- “أجحش من جحش الضيعة يلّي بيديِّن مصرياتو”

بتعرفوا بعد في أمتال مهضومة عن شهر آدار؟ شوفوا هون.