١٢ شغلة بذكرونا بيوم عيد المعلم بالمدرسة

بمناسبة عيد المعلم، حبينا نخبركن عن شغلات كنا نعملها يوم عيد المعلم بالمدرسة بلبنان. أكيد مارقين عليكن! ١. كنا نجي بكير على الصف متحمسين ٢. كنا نجيب معنا هدايا لكل المعلمات ونكون محمسين نعطيهن ياهن ٣. فجأة يصيروا المعلمات كتير مناح ورايقين وببطل حدا يعصب ويعيط بالصف ٤. كانت تروح الساعة على توزيع الهدايا ولي مش جايب معو شي يحس حالو كتير غلط ٥. كنا نخلي الهدية التقيلة لإستاذنا المفضل ٦. كنا ما ندرس بالصف ويخلونا الأساتذة نعمل لي بدنا يا هيدا النهار ٧. كانو يخلونا نجي بلا ما نكون لابسين الcostume ونجي لابسين لي بدنا يا على الصف ٨. كان كل أستاذ يحسب حساب ويجيب معو كيس من البيت ليعبي في هدايا وعطول معلمة العربي يطلعها أكتر شي كادويات ٩. كنا ننزل كلنا على الملعب لنشارك بالحفلة ١٠. كان يجي المدير يفقعنا محاضرة عن أهمية دور الأساتذة بالحياة ١١. بس يفل المدير، كنا نقعد نقلد الأساتذة ونعمل سكيتشات مهضومة والأساتذة يضحكوا معنا ١٢. أحلى شي إنو كانوا يخلونا الأساتذة نفل بكير على البيت بهيدا النهار وإنتو شو بتتذكروا من إيام المدرسة؟ شوفوا كمان، ٢٢ متل لبناني مهضوم عن الضيعة.