مطعم على شكل قطار جاهز ياخدكن رحلة رومانسية بقلب لبنان
رجعت إيام الترامواي على لبنان… رجعت، رجعت… عيشوا تجربة غريبة ومشوقة من دون ما تسافروا، هل مرة بقلب لبنان.
صار فيكن تاخدوا الترام مع أكتر حدا بتحبوا وتروحوا كزدورة وتشموا الهوا وترجعوا.
مطعم لوس أموريس أو Los Amores، عبارة عن مطعم على شكل قطار من برا ومن جوا بناسب كل الأشخاص لي عم بنبشوا على الهدوء، الرواق وشوية رومانسية.
طلعوا بقطار الحب بهل المطعم الساحر وروحوا رحلة رومانسية مع حبيبكن! Los Amores عندو قعدة خشب قديمة متل الحلم بقلب تران، وبتطل على المناظر الطبيعية الساحرة، بتقعدوا وبتستأنسوا بالأكل الطيب وبتسرحوا بأفكاركن لبعيد.
القطار من جوا زغير ودافي وفي كم طاولة بس، يعني الجو رواق وبعيد عن الضجة والعجقة وأصوات السيارات لي بتلاقوها بالعادة بالمطاعم.
بالنسبة للأكل، في نوعين أطباق، الأول طاولة إيطالية مألفة من 2 بيتزا وباستا وسلطة، التانية مألفة من طبقين رئيسيين مع سلطة ونوع من المقبلات.
بتلتفتوا بتلاقوا الدني كلا ورد أحمر وديكور خيالي.
>الحيطان الخشب وأواني الزهور الحلوة أكيد رح تعجبكن بهل قطار. غمضوا عيونكن وتخايلوا حالكن مسافرين على محل كتير حلو مع أكتر حدا قريب على قلبكن. كل لقمة بيتزا وباستا رح تبعتكن على رحلة ممتعة مع حبيبكن.
هل محل منو بعيد كتير عن بيروت، موجود بضبيه يعني بدو المشوار بس ربع ساعة من بيروت، فإذا عبالكن تستفسروا أكتر اتصلوا على 335 350 81.
شوفوا كمان، فنيسيا: مطعم إيطالي جديد عم يسبح بقلب المي ببيروت.
