١٣ شغلة مهضومة بتعملها كل أم لبنانية

ما حدا رح يحبك ويخاف عليك متل إمك…بس كمان ما حدا رح يبهدلك ويمسّح فيك الأرض قد إمّك، خصوصي الأم اللبنانية هي وعصبيتها. ومن وحي منالسبة عيد الأمّ، شوفوا معنا كم شغلة بس الأم اللبنانية بتعملها (وبتكتر منها).

1- بتعمل طبخ ع يومين وما حدا بياكل

مجدرة أو بامية على يومين…

2- بتعيط عليكن كرمال طلبتوا ديليفري

“ليه ما عنّا أكل بالبيت؟!”

3- لما تبهدلكن كرمال نسيتوا الTupperware

كل شي الا الTupperware

3- بتطلع فيكن من فوق لتحت كرمال قبلتوا تاخدوا ضيافة من أول مرة

نظراتها المخيفة بتكون عم بتقول “هلق بفرجيكن بالبيت”

4- لما تتركن مع الضيوف لتفتحوا أحاديث وما تحكوا شي

ويصيروا يبرشوكن أسئلة غريبة

5- لما تجبركن تحكوا على التلفون مع أفراد العيلة الكريمة المسافرين

وبتكون حاملة الشحاطة بإيدها وعم تهددكن لتقوموا تردوا على التلفون

6- لما بتبلش النشرة اليومية انو ما حدا بيساعدها بالبيت

وانتو بتكونوا عم تشطفوا وراها كل يوم

7- لما تحاول تقنعنا انو كانت تلبسنا أحلى تياب بالطفولة

وانتو بتكونوا لابسين أزرق على أحمر على أخضر على أصفر وهيي شايفتكن آخر شياكة

8- لما تحط الحق على التلفون بكل شي بالحياة

“إي أكيد بطنك عم يوجعك…كلو من سمّ الهاري التلفون اللي بتضلك حاملو”

9- وبتقلك جملتها الشهيرة “شو فاتحين أوتيل” كل ما ترجع على البيت متأخر

10- كل ما تعصب، بتقول بدها تترك البيت وتفل

11- بتفيقكن الساعة 7 الصبح لأنو عندكن شغل على 10

وما تنسوا نغمة صوت الهوفر من الصبح بكير

12- بتبعتلكن بدها ضمة بقدونس من عند الخضرجي، وانتو ما بتعرفوا الفرق بين الكزبرة والبقدونس

و لما تنزل معكن عند الخضرجي بذات نفسها وبتصير تنقي حبة بحبتها

13- لما تبعتلكن صباحيات الواتساب

وانتو، شو في أشيا مهضومة بتعملها إمّكن؟

بدكن تضحكوا؟ شوفوا معنا ٢٢ متل لبناني مهضوم عن الضيعة