تعرّفوا على الصوت ورا غنية قساطلي شتورة جلاب الشهيرة
“يا حلا جلابي ع ضو القمر…”
مين فينا ما بيتذكر غنية قساطلي شتورة جلاب الرمضانية؟ هالغنية قدرت بألحانها الشرقية وكلماتها المهضومة تدخل على قلوب اللبنانيين وتنحفر بالذاكرة من أول ما انعرضت على التلفزيون سنة 1987.
>ولماّ رجعنا سمعناها بسنة ال2016 حبيناها أكتر وأكتر!
>بس بتعرفوا مين الصوت الدهبي ورا هالغنية الحلوة؟ تعرّفوا معنا اليوم على الموهبة الرائعة والمغنية اللبنانية روكسان، اللي صوتها العذب رافق كل سفرتنا الرمضانية من سنة ال 2016 لليوم. قررت روكسان تشارك متابعينها على حسابها سرّها الزغير وتكشف إنو هيي الصوت ورا غنية قساطلي شتورة الرمضانية، ورجعت أدّت الأغنية بفيديو مهضوم بيسترجع كل ذكريات طفولتنا بثواني.
wahyetik✨ and I have the receipts to prove it! signed, The Kassatly Chtaura girl x https://t.co/xcAaNK17rk pic.twitter.com/ruOdLmL1eW
— Roxane (@iamroxaane) March 26, 2023
قدرت روكسان بصوتها المميز وحنجرتها الفريدة تجذب الناس على حسابها على التيك توك، وهيك انشهرت بإبداعها بالكلمات وبإضافة لمساتها الخاصة على أغاني شهيرة كلنا بنحبها، وحالياً عم تعمل أغانيها الخاصة اللي بتجمع بين اللمسات العربية والألحان الأجنبية اللي جذبت الجمهور والمتابعين، وبتقدروا تابعوها على التيك توك وتسمعوا آخرأخبارها وأعمالها بالرابط هون.
شو، عبالكن جلاب؟
