سهرة من الحكايات…أجمل سهرات رمضانية عند هل محل!
وين رايحين بعد الإفطار؟
ما في أجمل من السهرات الرمضانية بالشهر الفضيل! واليوم رح ناخدكن صوب نهر الكلب وتحديداً على Palms Legend ونشوف شو مخبي مفاجآت حلوة برمضان.
هالمطرح عندو قعدة تراس مميزة جنب النهر، بيستقبلكن بشهر رمضان على أجواء من الخيال وعالم الحكايات! فوانيس وأضوية رمضانية مزينة التراس ومعلّقة بالشجر، جلسة شرقية بتجمع بين قعدة الجبل وقعدة على صوت المي والنهر.
أول ما تفوتوا برحّب فيكن أبو فانوس على بساطو السحري، وبعدين بتدوقوا أطيب فنجان قهوة وكباية تمر هندي، أديه مهضومة الخبرية؟
بتتفرجوا على الدرويش الصوفي عم يبرم، وبتدندنوا على ألحان أجمل الأغاني الرمضانية لايف، بتقعدوا مع البصارة لتبصرلكن، وبتجربوا أطيب إفطار بأحلى أجواء ونسة ولزيزة.
عندن إفطار كتير مميز ب29$ على الشخص، وهوي عبارة عن بوفيه روعة من مشاوي وطبخات يومية متل الفريكة والكوسا بلبن وصيادية ومغربية وبرياني وملوخية، والأطيب من هيك بتلاقوا شاورما لحمة ودجاج عم تبرم وتنعمل قدامكن على السيخ، منظر وريحة بيدوخوا!
بيتقدم الطبق الرئيسي مع تمر ومشمش مجفف، شوربة عدس وشوربة خضرا، مع سلطة فتوش وتبولة وروكا، والمقبلات عندن غير عالم! أطباق مليانة حمص ومتبل وورق عنب وهندبة ومسقعة ولبنة وحلوم، مع سجق وبطاطا حرة وفتة وكبة وسمبوسك بلحمة وفطاير بجبنة وبطاطا مقلية.
وبعد الإفطار، بتدوقوا أطيب تحلاية من قطايف بقشطة أو غزل البنات مع بوظة، وبتشربوا فنجان قهوة وكباية شاي حسب شو بتحبوا!
هالمطرح عندو أجواء عائلية ممتازة وبناسب الجمعات الكبيرة، للمزيد من المعلومات أو للحجز، اتصلوا على 32 32 34 70 – 174 114 81 .
شوفوا كمان، صيدا مدينة رمضانية…ما تفوتوا عليكن أجمل ليالي رمضان!
