من كيك العثملية للقريدس بالعثملية…شوفوا معنا ٦ أكلات غريبة بلبنان

لكل عشاق التجربة ومحبي القصص الجديدة والغريبة بعالم الأكل، عازمينكن اليوم على أطباق فريدة لنغيّر جو مع بعض. شوفوا معنا 6 أكلات غريبة بلبنان!

1- قهوة لاتيه بقلب دوناتس من SmushKies

شي مرة شربانين قهوة لاتيه بقلب دوناتس؟ سمشكيز بيقدم القهوة بطريقة مهضومة ولزيزة بقلب عجينة دوناتس مليانة نوتيلا بدل الفنجان، بتجمع حلاوة الدوناتس باللاتيه، مشروب كتير طيب خصوصي إذا ما بتحبوا قهوتكن تكون مرّة!

الرقم: فرع مار مخايل 871 827 81 – فرع البياضة 878 828 81

2- قريدس العثملية من عند مطعم المختار

ميلوا عند المختار بجنسنايا بصيدا وجربوا مازة القريدس بالعثمليّة مع سفرتكن، من برّا بتقرمش على الآخر ومن جوّا بتدوب بالطعمة القوية، وما تنسوا تغمسوها بالصوص المميز!

الرقم: 755 434 03 – 012 230 07

3- كيك العثملية و دوناتس على بقلاوة من عند XnDoughs

هالمحل المهضوم بكليمنصو بيعطي الحلويات العربية لوك جديد بأصناف مميزة ومبتكرة! لازم تجربوا عندو الدوناتس على بقلاوة الفستق خصوصي إذا بتحبوا الحلو، بتجي الدوناتس مغرّقة بالقطر ومغمّسة بالسكر، محشية من جوا بكريمة الفستق والشوكولا البيضا مع قطعة بقلاوة شهية، عم تتخايلوا الطعمة؟

وما خلصنا هون! عندن كيك البوظة على عسملية، بتختاروها بطعم القشطة أو بطعم النوتيلا حسب شو بتحبوا، وبتدوقوا أطيب تحلاية غريبة!

الرقم: 891 520 71

4- سندويشة الـ 37 سم من عند Richy’s

مطعم Richy’s Triple Giant Sandwiches بالكسليك عم بيقدم وحدة من أكبر السندويشات بلبنان، ما تجربوها إلا إذا بتحبوا التحدي أو إذا حابين تتشاركوها مع رفقاتكن، هالسندويشة المحرزة بتجي على سمك أو لحمة أو دجاج، مليانة لراسها بمكونات شهية وغنية بالطعمة القوية لأقوى ساعات الجوع.

(@richystgs)

الرقم: 388 922 71

5- برغر على كنافة من عند مطعم لوديز Lody’s

لوديز للمأكولات السريعة بقدم الكنافة بموديل جديد، شي مرة مجربين برغر على كنافة؟ بتتقدم الكنافة بين قطعتين خبز للبرغر، القطعة كبيرة ومحشية جبنة دايبة وحلاوتها غير عالم، وبعدها بتتغطّس بالشوكولا الشهية! أطيب تحلاية وكمان بتشبع! بتلاقوا المطعم جنب الجامعة العربية وكمان بمار مخايل.

(@Foodie.ceo)

الرقم: 615 844 01 – 604 606 70

شوفوا كمان، ٥ مطاعم جبلية ساحرة حول لبنان.