أجمل قعدة على النهر بلبنان، بتلاقوها عند هل مطعم

لكل لي عبالوا كزدورة بالطبيعة بهل طقس الحلو، رح نعرفكن على مطعم ومنتزه مميز بالشوف. على طريق داريا وغريفة فيكن تزوروا واحد من أجمل المنتزهات بلبنان ولي هو “مطعم جدودنا“، يلي في برك للسباحة ونشاطات كتير حلوة ممكن تستمتعوا فيها على ضفاف واحد من أجمل أنهار لبنان. هل مطعم قاعد على نهر الحمام وجاهز يستقبلكن حتى تقضوا نهار أو تحتفلوا بجميع مناسباتكن بأسعار معقولة. مع ألعاب للولاد ومسبح روعة، أكيد رح تعجبكن القعدة بنص الغابة عند مطعم جدودنا يلي رح يقدملكن طاولات وكراسي لتقعدوا على النهر وأكيد فيكن تستمتعوا بكل أكلاتكن المفضلة مع أراغيل وبوظة وكوكتيل. رح تاكلوا كل لقمة على صوت المي الجارية. أكيد بس تخلصوا أكل فيكن تنزلوا تسبحوا بالمي وتبوردوا شوي. حزروا شو؟ الدخولية لتقضوا نهار كامل بس ب000 150 ل. ل.، يلي هوي بعدو مقبول بالنسبة للأسعار لي عم نشوفها برا. مي نهر الحمام تعتبر من أنضف وأنقى المي بلبنان لأنها بعيدة عن المعامل والمناطق السكنية، وبهيدي المنطقة في عدد كبير من المناظر الخلابة والطبيعية فيكن تعملوا تمشاية وتتفرجوا عليها. لحجز محلاتكن اتصلوا على 383 586 70 شوفوا كمان، هيك فيكن تقضوا أحلى نهار بمنطقة الناقورة.