مشوار على أحلى المطاعم جنب النهر

عبالكن غدا طيب على صوت الميَ؟ قعدة الأحلام تحت فيَ الشجر وجنب النهر؟ لنقضي أحلى الأوقات ببلدنا لبنان، بقلب جناتو وطبيعتو الساحرة، مشوا معنا على 4 مطاعم مميزة بقعدة جنب النهر، لأنو المشوار الحلو ما بيكمل من دون القعدة الحلوة.

1- مطعم الطاحونة – بعقلين، الشوف

مطعم الطاحونة مخبى بين الشجر والحجر، قاعد على نهر بعقلين وبيقدم قعدة من العمر، بتنبسطوا بأطيب غدا من مشاوي وفتوش والمازة على أنواعها مع نبيد، وبتسردوا مع النهر ونسمات الهوا الحلوة.

الرقم: 802 885 76 (الحجز ضروري)

2- مطعم شلالات الزرقا – بعقلين، الشوف

قعدة رومانسية من الخيال بوجّ النهر والشلال، على صوت الميّ وورق الشجر، من أطيب وأروع المطاعم لتجربوها بجنة الشوف المخباية ضيعة بعقلين، وبيقدم أكل لبناني مميز على أطيب جاط تبولة، يا عين!

الرقم: 301 560 03

3- مطعم النهر – بسكنتا

ميلوا على مطعم النهر، أجمل مطاعم بسكنتا بقعدة ساحرة جنب النهر! هالمطرح مميز للعيلة والولاد والجمعات الكبيرة. قعدة حجر قديمة وبركة مي، سفرة لبنانية أصيلة من أطيب وأحبّ الأكلات على قلبكن، ضروري تجربوا خصوصي بهالطقس الحلو!

الرقم: 197 288 04

4- مطعم نهر رشعين – رشعين، زغرتا

إذا عبالكن غدا مميز جنب النهر وبقلب الطبيعة بزغرتا، أو عبالكن سهرة من العمر مع رقص وأغاني وجمعات حلوة، مطعم نهر رشعين عندو أحلى الأجواء بالشمال للناس اللي بتحب الأكل الطيب والمشاوير المهضومة.

الرقم: 692 666 06

شوفوا كمان، أحلى مشوار…١٥ شغلة فيكن تعملوها بالشوف.