بتعرفوا معاني هالعبارات الطرابلسية؟

قدي بتعرفوا تحكوا طرابلسي؟ مشوا معنا نطلع على طرابلس ونتعرف سوا على 15 عبارة من المنطقة أكيد ما بتعرفوهن! ١. مش كل شي فرنجي برنجي: مش كل شي أجنبي يعني أحسن من غيرو ٢. صرن ورن: بس حدا يجمع كل شي غراض مع بعضو ٣. حط بالخرج: ما تهتم للموضوع حطو ورا ضهرك ٤. آرش من هون: فل وفلقنا بريحة طيبة ٥. حنتش منتش: لا شغلة ولا عملة ٦. وينو ليكواكو: يحوي هون ٧. حزك مزك: رايح جايي على الفاضي ومن دون نتيجة ٨. حايص لايص: زهقان ٩. متل قملة الطاطي: لزقة وما بحس على دمو ١٠. حلس ملس: ناعم ١١. يا صباح الشوم: يا عيب الشوم ١٢. دقنو جواتي: ما في يهرب مني ١٣. شبط لبط: لما حدا يستهتر بحدا ١٤. فعط في: صرخ وعيط على حدا ١٥. لا تقارشني ولا بقارشك: لا تشارعني ولا بشارعك كم وحدة بتعرفوا؟ شوفوا كمان، على اللبناني: ١٤ أكلة بس اللبناني بيعرف طعمة تمو فيهن.