لقينالكن أطيب ٤ مطاعم مخباية بعنجر

عنجر من أجمل المناطق لتزوروها لما يدفى الطقس، بتتميز بالطبيعة الساحرة والآثارات التاريخية، وتعتبر وحدة من أروع الوجهات السياحية بسهل البقاع. مشوا نروح كزدورة على هالمنطقة ونكتشف 4 مطاعم لازم تجربوهن بعنجر.

1- مطعم الشمس

مطعم الشمس من أشهر وأطيب المطاعم بالبقاع، بيتميز بالقعدة الحلوة، الكرم اللبناني الأصيل، والسفرة اللبنانية التقليدية والأطباق التراثية وخص نص الطبخات التقليدية، عندو كمان بطاطا مقلية مميزة لازم تجربوها، سلطات طيبة، وفوارغ غير عالم!

الرقم: 800 621 81 – 800 620 81

2- مطعم نبع عنجر

عبالكن قعدة على صوت النبع والبط بمطعم مزيّن بالورد والخضار الحلو؟ مطعم نبع عنجر من أطيب المطاعم تجربوها مع العيلة والجمعات الكبيرة بعنجر، عندو دجاج مشوي كتير طيب، سمك مقلي، مازة بتشهي، وسفرة مليانة وعامرة بأشهى الأطباق، عدا عن اللحمة النية اللي بقدمها!

الرقم: 590 000 71

3- مطعم جزيرة عنجر

إذا عم تفتشوا على مطعم بلقمة ولا أطيب، على قعدة جنب الميّ وجو عائلي، ألعاب للولاد ورحلة على شختورة، مطعم جزيرة عنجر من أطيب المطاعم لتكملوا نهاركن بقلب عنجر، بتعيشوا أحلى اللحظات وبتجربوا أشهى الأطباق اللبنانية.

الرقم: 733 620 08 – 340 810 03

4- مطعم رازميغ Restaurant Razmig

مطعم رازميغ بياخدكن رحلة رومانسية بأحضان عنجر، بيتميز بقعدة ساحرة على صوت الميّ، أطباق أشكال وألوان، وجو روعة بقلب الطبيعة، عدا عن الأكل الطيب! ضروري تجربوا الغدا عندن اليوم قبل بكرا!

الرقم: 822 620 08

(@RestaurantRazmig)

شوفوا كمان، لقينالكن ٥ مطاعم بلبنان بتحسسّكن إنكن باليونان.