جبنالكن أحلى خبرية! ومن بعد إنتظار طويل، متحف سرسق راجع هالأسبوع!
حضروا حالكن الجمعة ب 25 الشهر لأروع إفتتاحية لمتحف سرسق الشهير الساعة 7:30 بالليل. هالمتحف كان من أهم الملتقيات الثقافية ببيروت، ولكن بعد أضرار إنفجار 4 آب تسكر لحوالي 3 سنين. بس وأخيراً، رح ترجع الحياة على المتحف ورح يستقبلكن على أروع عروض فنية وثقافية جديدة.
It’s Official! The Sursock Museum will reopen its doors on Friday, 26 May at 7:30 pm. This event marks a milestone in the museum’s history following nearly three years of forced closure during which, due to the extensive damage caused by the Beirut Port Explosion.
— Sursock Museum (@sursockmuseum) May 13, 2023
ويعتبر متحف نقولا إبراهيم سرسق التاريخي من أهم المتاحف للفن الحديث والمعاصر ببيروت من سنة ال 1961 لليوم، وبيعرض كنوز فنية محلية وعالمية، هدفه الأساسي إنه يحافظ عليها من جهة ويحكي قصتها للناس من جهة تانية بوحدة من أهم مساحات التعبير ببيروت. ولتعرفوا عن كل العروض والفنانين اللي ناطرينكن بالمتحف، شوفوا الموقع الرسمي هون.
هالشي كانت نتيجة تعاون متحف سرسق مع منظمات دولية متل اليونسكو، والوزارة الفرنسية للثقافة، والتحالف الدولي لحماية التراث في مناطق النزاع (ALIPH)، والوكالة الإيطالية للتعاون التنموي (AICS)، وتعتبر خطوة مهمة لإعادة إحياء الفن والمتاحف التاريخية بلبنان والحفاظ عليها.
شو؟ حبيتوا الخبرية؟
شوفوا كمان، فيروز للعالم، خلونا نتذكر المرّات اللي تكرّمت فيها فيروز عالمياً