أحلى مطارح التسلية للولاد بلبنان

قربت الصيفية وقربت تخلص المدرسة! كرمال يستمتعوا ولادكن بأحلى الأوقات والنشاطات، عملنا برمة ولقينالكن كم مطرح مهضومين للتسلية للولاد بلبنان، خلونا نشوف سوا!

1. سوينغ كامب – زعرون، المتن

سوينغ كامب عبارة عن منتزه ومخيّم للولاد الزغار والكبار، بيتضمن مجموعة كبيرة من الألعاب والنشاطات الحماسية الي بتناسب كل الأعمار، ألعاب تسلق وحبال، وألعاب لايز، وكمان تخييم بقلب الطبيعة، وبتلاقوا كافيتريا فيها كل شي!

الرقم: 648 796 03

2. بستان سلمى – طرابلس

بستان سلمى بقدملكن مغامرة استكشافية تعليمية بالريف والطبيعة بمنطقة طرابلس، بيتعرفوا على حيوانات المزرعة و طرق الزراعة، بيتعلموا الطبخ والأكل، وكمان بيتسلوا بورشات رسم وفن وشغل يدوي، وبيتعرفوا على رفقة من عمرن!

الرقم: 988 887 71

3. البستان – بقاع، بر إلياس

بتلاقوا بمنطقة بر الياس بالبقاع مشوار كامل مكمّل للعيلة، البستان بقدملكن بوفيهات أكل، قعدات بالطبيعة، ونشاطات مسلية مع الولاد متل ال Zip line وال ATV، وكمان قوارب بالمي وحتى رياضة التسلق!

الرقم: 898 502 03

4. تشيكي مونكيز – فردان

إذا عم تفتشوا على تجربة مخيّم صيفي مميز للولاد، تشيكي مونكيز عندن أفضل مساحة ليفجروا ولادكن مواهبن ببيروت ويكسبوا مهارات مميزة، متل رقص الزومبا والرسم والأشغال اليدوية والسباحة وقصص كتير حلوة وتعليمية بنفس الوقت.

الرقم: 668 655 71

شوفوا كمان، هيك فيكن تقضوا أحلى مغامرة بأحضان تنورين

حابين تشفوا أحلى مشاوير ونشاطات مع العيلة؟ شوفوا هون.