أكل وشرب
لأول مرة بلبنان: بوظة على غاردينيا!
إي متل ما سمعتوا صار في بوظة على غاردينيا! اختراع الموسم بتلاقوا بس عند محل واحد موجود بالنقاش: La Glace de Badiane.
هالمحل عندو أطيب أنواع البوظة وكلها معمولة بطريقة طبيعية ومنعشة من أجود المكونات والخلطات الفريش.
أما طعمة الغاردينيا رح تنغرموا بشكلها وريحتها وطعمتها من أول كدشة… بوظة بتحلي القلب وخفيفة بنفس الوقت، ومعمولة من مواد طبيعية مية بالمية.
بيعمل كمان بوظة على زهر متل اللافندر على غاردينيا يلي طعمتها وريحتها رح تخليكن تحسوا بشعور لا يوصف.
وكمان عندو كل الطعمات الكلاسيكية يلي بتستحلوها متل الشوكولا والفريز والفواكة بس أكيد لي بميزوا عن غير محلات إنو كل شي طبيعي وفريش على الآخر.
غير إنو بيعمل بوظة شغل إيد، البوظة عندن نباتية مية بالمية وخالية من المواد الحافظة والملونات وأكيد طعمتها طيبة كتير.
عندن طعمات غريبة وطعمات منعرفها وبيتميز بقعدة كتير حلوة ومهضومة خرج ضهرة مع أصحاب أو ضهرة حبيبين عبالن ينهوا السهرة بشي مهضوم.
يلي زهق من البوظة الإيطالية أو البوظة العربية ومن إنو يروح على نفس المحلات، لازم تجربوا هيدا المحل يلي عندو خلطات غريبة وخلطات كلاسيكية بنفس الوقت.
بتجربوا البوظة على غاردينيا؟
لتعرفوا أكتر عن هل محل اتصلوا على 884 844 03
شوفوا كمان، يا لطيف ألطف…جربتوا البوظة على جنارك أو بعد؟