١٠ مواقف مزعجة وبتضحك بتصير بين الأخوة بلبنان

كلنا منمرق بمواقف مزعجة مع أخواتنا منصير بعدين نتذكرها ونضحك. خلونا نشوف 10 مواقف مضحكة ومزعجة بتصير بين كل الأخوة بلبنان.

1. لما تشتروا تياب جديدة ويلبسوها قبلكن

مش لأنن سراقين، بس بحبوا يجربوها إذا منيحة أو لا قبل ما انتو تلبسوها

2. لما يفوتو يتحمموا بس ثواني قبل ما كنتوا رح تفوتوا

وما بيتركوا مي سخنة

3. لما يتهموكن إنو انتو اللي أكلتوا الحلو بالبراد

وما بكون في أكذب منن

4. لما تكونوا قاعدين بالاوضة آخر رواق وبيجوا بيطفوا اللمبة هيك بلا سبب

ليه الهضمنة؟

5. لما يقولوا إنكن انتو كسرتوا شي بالبيت حتى هني ما ياكلوا العيطة

وبتجي إمكن بتعيط عليكن وانتو مش دريانين بشي

6. لما يتركوكن لحالكن مع الضيوف وإمكن مش بالبيت

وبروحوا بيتخبوا بالأوضة من دون أي حس

7. لما تجوا بدكن تضهروا مع أصحابكن ويحشروا حالن بالضهرة

وبتصير إمك تقلك “خود خيك معك وانتبه عليه”

8. لما يخانقوكن على قعدة الشباك بالسيارة

أو لما يقولوا إنو هني أكبر منكن فبيقعدوا قدام وبيتركوكن انتو ورا.

9. لما تقسموا لوح الشوكولا بين بعض وفجأة بتقلب الخبرية ترسيم الحدود

بتمشوا على المسطرة والسانطي وممنوع حدن ياخد نتفة أكتر من التاني

10. لما يطلبوا ديليفري بالسر وما يخبروكن

ليه ما سألت؟

عبالكن تضحكوا؟ ١٥ شغلة بتوقلها الإم اللبنانية بس يكون عندها عزيمة