لقينالكن ٣ مطاعم لسندويشات شاورما غير شكل!

اليوم العزيمة على سندويشات شاورما بتشق القلب! عملنا فتلة زغيرة، ولقينالكن 3 مطاعم بيقدموا سندويشات شاورما غير شكل!

1. أطيب فروج، كافة الفروع

كل محبي التوم لازم يجربوا مطعم أطيب فروج، هالمطعم بيقدم فراريج على الفحم غير شكل، بيعمل سندويشة شاورما دجاج على التنور، بتجي محمصة ومزينة بطربوش توم، وكمان بيغرّق السندويشة بدبس الرمان لتطلع الطعمة حدّة وطيبة!

والحلو انو عطول بيعمل عروضات خفيفة على الجيبة وشهية!

الرقم: 118 800 05 (خلدة) – 582 555 01 (حارة حريك) – 118 800 05 (الدورة)

2. Gilgamesh Grill، ذوق مصبح

إذا عبالكن سندويشة شاورما لحمة طرية ومحشية خضرة ومغرّقة بالطرطور لازم تجربوا Gilgamesh Grill بذوق مصبح. كمان هالمطعم معروف بتقديم شرايح شاورما لحمة بتتبلية خاصة، بيعملها مع الحمص ومزينة بالبندورة المشوية، بتجربوها مع صحن فتوش فوقو دبس رمان، بيطلع غدا بيشبع ومميز.

الرقم: 744 711 71 – 561 223 09

3. الشرقي – زغرتا، البترون

مشاوي وشاورما الشرقي جاهز يستقبلكن بزغرتا والبترون على أطيب سندويشات شاورما، بحمّص الخبزة بطريقة ممتازة، بيحشي السندويشة منيح بالدجاج أو اللحمة حسب إختياركن، وكل كدشة أطيب من التانية!

الرقم: 301 662 06 (زغرتا) – 655 440 76 (البترون)

شوفوا كمان، كنافة على الفحم: محل جديد بنص بيروت مكسر الأرض