مدونة
طبخة لبنانية فريدة من نوعها بس بتلاقوها بالبقاع والشوف
اليوم رح نعرفكن على هل أكلة فريدة من نوعه بس بتلاقوها بمنطقة البقاع الغربي وببعض ضيع الشوف: المنسوفة
هالأكلة بيعملوها أكتر شي أهل خربة قنفار وعين زبده ومشغرة وهيي عبارة عن وجبة نباتية تقليدية بتحتوي على خلطة لذيذة وصحية.
من شو معمولة؟ من حبات اللقطين والبرغل مطبوخين ببصل ومتبلين بالخل الحامض وشكلن بشهي كتير.
View this post on Instagram
بتتحضر المنسوفة من البرغل والملفوف المعمولين على شكل دويرات زغار مطبوخين بصلصة بندورة مع بصل مفروم ومتبل بالسماق.
بالعادة هل أكلة بتتقدم نهار الجمعة العظيمة للدلالة على أهمية العودة للذات والتجرد والتواضع.
وبينضاف مع المنسوفة عنصر مهم لي هوي اللقطين، لي موجود بشكل خاص بسهل البقاع وبيطلع بفصل الخريف، للدلالة على أهمية هل أكلة ومعناها الروحي بالنسبة لأهل المنطقة.
View this post on Instagram
A post shared by The Food Heritage Foundation (@foodheritagefoundation)
بتلاقوا كتير مطاعم وبيوت ضيافة بالبقاع وبالشوف بعدن بقدموا هل أكلة كطبق رئيسي، فلكل حدا عبالوا يجرب شي جديد وغريب ما إلكن غير تطلعوا لفوق وتدوقوا هل أكلة لأول مرة. وأكيد ولاد المنطقة بيعملوها على الأصول وبضيفوا منها بالبيوت ووقت العزايم وتعتبر جزء من تراثن.
شو قلتوا؟ بتجربوها؟
شوفوا كمان، تعوا نتذكر أشهر أغاني محمد جمال.