شو مشاريعنا
٥٠ محل تزوروه هالصيفية بلبنان: من الشمال للجنوب!
اليوم رح نعمل مشوار على أجمل محلات لتزوروها بلبنان من الشمال للجنوب لنتعرف على أجمل المطاعم وبيوت الضيافة والأماكن الخاصة والمواقع السياحية والأوتيلات والبيسينات ببلدنا الحلو ليكون عندكن فكرة وين تروحوا هل صيفية.
عكار، الشمال
١. جبلنا، القبيات
رح نبلش مشوارنا من أقصى الشمال وتحديداً من ضيعة القبيات لنعرفكن على هل بيت الحجر لي مخبى بقلب الغابة. هل بيت رح يخليكن تعيشوا يومين حلوين بقلب الطبيعة تحت النجوم، وبس تفيقوا بتتمتعوا بالفيو الروعة والمرجوحة.
الرقم: 935 542 03
٢. مطعم شلال السمك، القبيات
منضل بهالضيعة الحلوة لنتعرف على مطعم قاعد بين الشجر والمي مطرح ما رح تحسوا النسيم عم يغزل، وهوي إسم على مسمى بقلبو شلال زغير وفي سمك، وهوي من المطاعم التراثية بالمنطقة بقدم أطباق شرقية وعندو قعدة لبنانية أصيلة مع موسيقى وعرق.
الرقم: 177 886 71
٣. البيت الأزرق، بينو
بيت بيتميز بطرازو الأثري، عبارة عن بيت قرميد عتيق مع سطيحة وبركة مي لتعيشوا تجربة الضيع العكارية على الأصول. ضيعة بينو من أجمل الضيع بالشمال ويمكن مش آخدي حقها، هل بيت رح يرجعكن سنين لورا ويخليكن تعيشوا تجربة من العمر وتستمتعوا بالفيو الروعة والجمال والقعدة الخيالية وتكتشفوا جمال بينو.
الرقم: 325 689 71
٤. مطعم وأوتيل مطل الوديان، حرار
محل معلق بين السما والأرض وبقدم قعدة مطعم مميزة مع أطيب أصناف المطبخ اللبناني ومنامة على الشير بتخطف القلب.
الرقم: 487 713 03
٥. مطعم الشير، بقرزلا
هالمطعم قاعد على النهر وأكيد رح يخليكن تحسوا إنكن قاعدين على طاولة بنص المي، بيتميز بأكلوا الطيب والفيو الحلو والقعدة لي بترد الروح.
الرقم: 980 684 03
الضنية، الشمال
٦. جبل الأربعين، الضنية
من أهم المعالم السياحية بالشمال، قادرين تشوفوا الشمال كلو من هل نقطة. الشي المميز بهالمنطقة هيي المناظر الخلابة، وأكيد أعلى مرجوحة بالشرق الأوسط! فيكن تتمشو على المسار الحديد وتشوفو أجمل غروب الشمس فوق الغيوم!
طرابلس، الشمال
أوّل ما تدخلوا على الأوتيل رح تنتبهوا للتفاصيل الزغيرة الحلوة، النبات المعلّق والورود، الفخاّر والحرفيات، الشبابيك الزرقا، الأضوية الخافتة، والجلسة القريبة من القلب بالجنينة تحت فيّ الشجر.
زغرتا، الشمال
٨. ذا فيو The View ، مزيارة
شوفوا غروب الشمس والمنظر الحلو من ذا فيو The View وتلذذوا بالأكل الطيب.
الرقم: 270 197 76
٩. بيت ستي، إهدن
بيت ستي بقدم أطيب كبة زغرتاوية ممزوجة بأطيب الأكلات من أطايب المطبخ اللبناني لتعيشوا تجربة ما بتنتسى بقلب إهدن.
الرقم: 200 560 06
١٠. باب الهوى، اهدن
مطعم بياخد العقل قاعد على الجبل، الفيو رائع بتشوفوا منو أهدن كلها من فوق، مطرح ما السما قريبة ومطرح ما فيكن تسهروا على ضو القمر تحت النجوم وتتغزلوا ببعض وتعيشوا لحظات ما بتنتسى مع أطيب سفرة لبنانية وفنجان قهوة.
الرقم: 047 456 03
بشري، الشمال
١١. ملو شاتيل Le Châtel ، بشري
تعشوا بمطعم لو شاتيل Le Châtel لي بطل على الوادي وبيخطف القلب
الرقم: 829 555 71
الكورة، الشمال
١٢. كروب، الكورة
بقدم أكل من المزرعة على طاولتكن مع أجواء ريفية، بس تفوتوا رح تحسوا بسحر الأضواء الرومانسية وقبل ما تقرروا شو تاكلوا رح تجربوا الخبز الطازة المعمول على الإيد مع كاسة زيت زيتون شغل أميون.
الرقم: 090 159 03
البترون، الشمال
١٣. Sept Winnery، البترون
لكل محبي النبيد اللبناني هل محل بقدملكن أطيب أنواع النبيد الخاليين من المواد الحافظة. بهل معصرة فيكن تستمتعوا بأطيب أنواع النبيد وتعملوا برمي بالمكان بتتعرفوا فيا على أنواعو وطريقة تصنيعو مع قعدة بقلب الطبيعة بتطير العقل.
الرقم: 170 570 70
١٤. Alec.Ô Feniqian Island، البترون
عبالكن قعدة على البحر؟ هل مطعم بيتميز بقعدة بوج البحر دغري وبقدم أطيب وأشهى الأطباق اللبنانية والحلويات… بتبلشوا التجربة الحلوة عطول مع صاج زغير بتحضروا علي منقوشتكن على إيديكن.
الرقم: 444 340 70
١٥. رايز، البترون
تمشوا على البحر إنتو وطالعين من الشوارع العتيقة وكفو طلوع، رح تلاقوا أجمل مكان لتقضوا في لحظات بترونية من العمر. رايز بقدم ترويقة بلدية من العمر… استمتعوا بأوقات ما بتتكرر وأطباق جذابة. الطاولات والكراسي بيطغي علين لون الأزرق والأبيض متل شي بيت يوناني عتيق.
الرقم: 703 919 03
١٦. بيوماس، جربتا
عيشوا تجربة البيكنيك بالطبيعة عند بيوماس بقلب الجنينة، خلصوا أكل، قعدوا على التكايات، ريحوا شوي وناموا، رجعوا لعبوا دق طاولة أو ورق.
الرقم: 532 532 03
جبيل، كسروان
١٧. خان جبيل، جبيل
هل محل قاعد بسوق جبيل، بحضر أطيب ترويقة وسفرة لبنانية على أصولها، ومشهور كمان بحفلات الزجل والموسيقى الشرقية.
الرقم: 900 805 76
١٨. بوظة النشواتي، جبيل
أسطورة البوظة بجبيل، النشواتي بحضر بوظة طبيعية مدقوقة على الإيد من مواد طبيعية وعلى كافة الطعمات والنكهات.
الرقم: 773 819 71
١٩. The Broad، جبيل
بتلاقوا عندن أحلى قعدة وقت مغيب الشمس، بتناموا على التكايات وبتطلبوا فنجان قهوة من اختياركن وبتسرحوا بأفكاركن لبعيد.
الرقم: 646 164 70
جونية، كسروان
٢٠. سيدة حريصا، جونية
زوروا سيدة حاريصا بالتلفريك وتفرجوا على خليج جونية من فوق رجعوا كفوا مشواركن على المطاعم المجاورة.
الرقم: 075 936 09
٢١. البوسطا، جونية
هل محل بقدم أكل كتير طيب وبشبع كتير والكمية كريمة فوق ما بتتصوروا والجو عندو بجنن حتى إنو إيام بيعملوا برمي بالمنطقة على البوسطا مع موسيقى ورقص وفقش.
الرقم: 700 333 76
الشوف، جبل لبنان
٢٢. قصر المير أمين، بيت الدين
قضوا نهار بطير العقل بمسبح المير أمين الأثري عم تتفرجوا على المنظر الحلو للجبال، رجعوا كلوا أطيب لقمة بالمطعم الموجود.
الرقم: 315 501 25
٢٣. قصر موسى، دير القمر
هل قصر بيشبه قصر الأحلام قصتو حلوة كتير، بتحكي عن صبي زغير كان عندو حلم يكبر ويعمر هل قصر وهيك صار فعلاً.
الرقم: 106 500 05
بعبدا، جبل لبنان
٢٤. جنينة جميل، حمانا
قضوا نهار حافل عم تقطفوا كرز وتتسلوا بالطبيعة الحلوة، عبوا السلل منيح وعيشوا مغامرة من العمر.
الرقم: 772 328 70
٢٥. برك فالوغا
ضروري تكزدروا عالتلة وتشوفوا المنظر من فوق! بتقعدوا، بتمدوا الحصيرة مع الأكل والشرب تبعكن وبتاخدوا أحلى صور.
جزين:
٢٦. كيف جزين، جزين
هالمزرعة رح ترجع تفتح أول الصيفية لتستقبلكن على قعدة خيالية بالطبيعة وأكل بيتوتي طيب.
الرقم: 449 441 70
٢٧. مطعم لوس، جزين
مطعم مميز بأحضان جزين مع إطلالة على غابات الصنوبر وأطيب كاس عرق
الرقم: 330 780 07
٢٨. Karam Winery، جزين
معصرة تراثية لتدوقوا نبيد مميز وتتعرفوا على تاريخ الصناعة وتبرموا بكروم العنب الواسعة.
الرقم: 658 485 70
٢٩. بلو جاي فالي Blue Jay Valley، عزر
بيوت ضيافة ساحرة ونفس جبلي، والحلو انو في مسبح مع منظر بياخد العقل لغابة العزر.
الرقم: 088 880 78
٣٠. بيت الغابة La Maison De La Foret، بكاسين
بيوت مخباية بالغابة جاهزة تستقبلكن على أكل لبناني طيب بين شجر الصنوبر.
الرقم: 222 800 07
صور:
٣١ .Cloud 59
من أجمل القعدات على شط صور الرملين بتاكلوا أطيب أكلة سمك وبتعيشوا لحظات مميزة.
الرقم: 996 517 03
٣٢. دار ألما
أوتيل موديل قديم وجار البحر والشمس بصور، عندن قعدة بلكون مميزة ومطعم قعدتو روعة.
الرقم: 082 740 07
٣٣. البوتيك أوتيل
أوتيل البوتيك مشهور بتقديم قعدة تراس من الأحلام، مشروب طيب وغروب شمس من الأحلام.
الرقم: 960 740 07
٣٤. Auberge de Tyr
منتجع ساحر بجو بياخدكن على جزيرة إستوائية بالقعدة الغجرية والمسبح الكبير.
الرقم: 233 339 71
البقاع – بعلبك:
٣٥. طاولة عميق، سهل البقاع
جربوا أطيب لقمة بقاعية من ديات طباخين سوق الطيب المحترفين وسهل البقاع المبارك مادد حالو قدامكن.
الرقم: 481 004 03
٣٦. الحوش، حوش الغنم
عيشوا أروع الأجواء الريفية بمزرعة الحوش، بساتين وجنينات واسعة، مسابح وبركات ميّ، وجو عائلي مميز هالصيفية.
الرقم: 1662 563 (855) 1 whatsapp+
٣٧. أوتيل ليالي الشمس، عنجر
هالأوتيل مخبى بين البساتين، بيقدم مسابح كبيرة، بيوت خشب وبيوت قبة، وكمان مطعم مميز.
الرقم: 600 622 76
٣٨. مطعم Razmig، عنجر
هالمطعم قاعد على النبع وعندو قعدة تراس بتاخد العقل!
الرقم: 822 620 08
٣٩. سفرة، بر الياس
سفرة بيقدم قعدة شرحة بسهل البقاع بالهويات الحلوين، مكان مميز لتجربوا أكل بقاعي طيب وتعملوا كمان بيكنيك بالطبيعة.
٤٠. معصرة Chateau Ksara، زحلة
ما فيكن تزوروا زحلة هالصيفية من دون ما تجربوا نبيد Chateau Ksara الأصيل وتكتشفوا المعصرة!
الرقم: 495 813 08
٤١. أوتيل بالميرا، بعلبك
أوتيل بالميرا واحد من أقدم وأعرق الأوتيلات التراثية بلبنان، عمرو فوق ال 140 سنة وبيقدم إطلالة إستثنائية على أثارات بعلبك التاريخية.
الرقم: 127 371 03
٤٢. Westwood Resort، زحلة
منتجع مميز بقلب زحلة قاعد بالجبل وبيطل على الوادي، عندن أحلى سهرات تحت النجوم وجنب المسبح، أكل ومشروبات طيبة، نومة غير شكل!
الرقم: 112 102 81
النبطية:
٤٣. مطعم نبع البحصاصة، حاصبيا
قعدة ساحرة على صوت النبع وطواحين الميّ مع لقمة لبنانية أصيلة.
الرقم: 000 553 07
٤٤. منتجع عرش الملوك، وادي الحجير
أجمل عطلة صيفية بأحضان وادي الحجير وجنب المسبح!
الرقم: 588 933 78
٤٥. دار زفتا، زفتا
قصر بيجمع بين الموديل القديم والمودرن مع أحلى قعدة جنب المسبح.
الرقم: 151 895 81
٤٦. مطعم سما مليتا، مليتا
هالمطعم بيقدم غروب شمس ساحر وقعدة بين الغيوم.
الرقم: 460 400 03
، جرجوع ٤٧. مطعم هوا جرجوع
قعدةساحرة جنب الوديان والجبال بجرجوع على أطيب كبّة نية!
الرقم: 427 535 07
صيدا:
٤٨. كوكتيلا، صيدا
ما بتكمل الصيفية من دون كباية كوكتيل مليانة لفوق!
الرقم: 155 515 71
٤٩. مطعم المختار، جنسنايا صيدا
لقمة لبنانية وجو تراثي غير شكل عند المختار!
الرقم: 755 434 03
٥٠. جزيرة الزيرة، صيدا
بتركبوا بقارب بياخدكن على الجزيرة وبتاخدوا غطسة بنص البحر.
شوفوا كمان، هيك أسعار الدخولية على هل-٩ شط ومسبح بجبيل لهل-موسم