عمشيت هالويك-أند: مهرجان صيفي وموسيقى وأكل طيب (الدخول مجاني)

شو عاملين هالويك-أند؟ إذا مش عاملين شي يلا على عمشيت لأن المشوار بطول العمر.

وين رح يصير المهرجان؟ على طريق boulevard عمشيت وببلش اليوم ورح يضل لنهار الأحد من الساعة 5 بعض الضهر للساعة 12 بالليل.

رح يضمن المهرجان سهرات غنائية، ألعاب ونشاطات للولاد ومطاعم ومحلات ومعارض فنية وأشغال حرفية بالإضافة لمنتوجات يدوية ومونة بلدية ومحلات أكسسوارات.

كل stand رح يكون مخصص لspécialité شكل ورح يكون في كل شي بيخطر على بالكن وأكيد أكل كتير طيب وحلويات!

لتكمل فرحتكن رح يكون كمان في sea shows ورحلات بالبحر وsunset على البحر وكيف ما رح تبرموا رح تحسوا بسحر الأضواء وألوان الصيفية وبالطقس الحلو وأكيد فيكن تاكلوا بهل أجواء بمطاعم عمشيت أو تبوردوا وتشربوا عصير فريش وبوظة.

أهضم شي رح تشوفوا هوي الlive cooking أو الطبخ بالشارع، رح تشوفوا أكلاتكن عم تنطبخ قدامكن وتعيشوا هل مغامرة وتاكلوا الأكل سخن وفريش.

الولاد كمان رح يكون إلن حصة كبيرة، رح يتسلوا كتير لأن في Kids Zone مخصصة بس لإلن رح يكون فيها ألعاب ونشاطات مسلية كتير.

أما إذا ما عبالكن تشتروا شي، بتجوا بتصفوا السيارة وبتتمشوا مع أصحابكن وبتتفرجوا على البحر وبتحسوا بالأجواء الحلوة.

هيدا المهرجان من تنظيم Street Festival وبرعاية بلدية عمشيت وIPT.

إذا بدكن تستفسروا أكتر اتصلوا على: 420 004 81

شوفوا كمان، مهرجان الكرز بحمانا: أكل طيب وموسيقى وأجواء صيفية (الدخول مجاني).