أسعار جنونية مقترحة لخدمات الانترنت بلبنان! لوين رايحين؟

عم يدرس وزير الإتصالات جوني القرم حالياً احتمال زيادة أسعار خدمات أوجيرو لي من المحتمل ترتفع 7 أضعاف للمرة التانية بعز الأزمة.

وإذا وافق مجلس الوزرا على هل اقتراح الجهنمي رح تنزاد أسعار باقات “أوجيرو” بشكل جنوني يعني مثلاً رح يزيد سعر أزغر باقة من 000 60 ل. ل. (80 غيغابايت) ل000 420 ل. ل. ، ورح يعلى سعر أكبر باقة من 000 325 ل. ل. (800 غيغابايت) ل000 275 2 ل. ل وهلم جرا.

شوفوا هون المقارنة بين الأسعار الحالية والأسعار الجديدة المقترحة لجميع الخدمات! شي كارسي على الآخر!

هل اقتراح إجا بوقت عم بعاني في كل المشتركين من تراجع مذري بخدمة الإنترنت المنزلي وعلى التلفون، الأمر لي يستغرب من بعد ما تم تزويد الشركة بالمزيد من ساعات الكهربا وبالتالي خف عبئ شراء المازوت وبالتالي التعطيل.

السؤال لي بيطرح نفسو هلق: في حال تم الموافقة على هل اقتراح شو رع بصير بالأسعار إذا رجع ارتفع سعر الدولار بشكل جنوني متل ما كان يصير قبل؟ وقدي هل ارتفاع حيأثر بشكل مباشر على أسعار باقي الخدمات بالبلد يلي نصها ماشية على الإنترنت والتكنولوجيا؟!