أشهر أغاني الكرتون من إيام الطفولة بلبنان

كتار أغاني الكرتون يلي انشهرت بلبنان بسبب الترويج والبث بالعربي لإلها لي خلت الصورة تعلق براسنا أو بسبب غنية انعملت خصيصاً للنسخة العربية. فحفظناها وغنيناها حتى لو الكرتون بحد ذاتو ما كان بهمنا، رح نتذكر البعض منا.

١. جنريك “غرندرايزر”

كلنا منتذكر صوت سامي كلارك لي خلانا مش بس نتعلق بالكرتون من ورا الغنية، نعشقوا!

٢. غنية بوكيمون

كلنا منتذكر كلمات هل غنية بعدنا لليوم لو قد ما كبرنا! خل كرتون وهل غنية فاتوا على قلوبنا بسرعة ورافقوا ذكرياتنا على مدا سنين.

٣. غنية زينة ونحول

من أهضم الأغاني الشهيرة وهيي من الأكثر تأثير من ناحية الموسيقى والقصة لي بتعلق بالراس. لو قد ما صار عمركن، رح ضلوا تتذكروها وتغنوها براسكن.

٤. مغامرات سندباد

من أكتر الأغاني لي لاقت تفاعل من قبل الأطفال. ما فينا نتذكر طفولتنا من دون ما نتذكر هل غنية.

٥. غنية الكابتن ماجد

بتتذكروا الكابتن ماجد؟ كلنا بعدنا منتذكر لحن البداية والموسيقى والفكرة وكل شي بالفيديو. وحتى صار الكابتن ماجد مضرب مثل.

٦. جزيرة الكنز

غنية فاتت على قلبنا من أول مرة لأن بصوت سامي كلارك. مين فينا ما بيتذكر بعدو كل كلمة منا وبحن لإيام زمان!

٧. ميمونة ومسعود

هل غنية نفس اللحن ونفس الموسيقى، مش شوي غريبة؟ بس أكيد كنا نستهضمها.

٨. افتح يا سمسم

غنية الأحرف الهجائية! بعدنا لهلق ما فينا نردد الأحرف من دون ما نتذكر هل غنية وكل حرف كيف كان ينلفظ.

شوفوا كمان، ٣٢ جملة غريبة عجيبة بتشوفوههن بس على الباصات اللبنانية.