٤ منتزهات مائية مميزة هالصيفية حول لبنان

وين ضاهرين هالصيفية؟ خلونا ناخدكن اليوم مشوار صيفي بإمتياز على أماكن غير شكل للسباحة بلبنان. تعرفوا معنا على 4 منتزهات مائية مميزة حول لبنان.

1. Waterland، زغرتا

واترلاند أكبر منتزه ومدينة مائية بالشمال، فيها ألعاب مائية كبيرة ومتنوعة، مطاعم ومسابح كبيرة وبتناسب العيل والولاد. هالمنتزه المائي مطرح مميز لتقضوا نهار كامل من اللعب والتسلية هالصيفية.

الرقم: 510 510 70

2. Splash، الدامور

منتزه سبلاش عندن ألعاب مائية خيالية للولاد ومسابح غير شكل لكل الأعمار، بتقضوا أحلى الأوقات وبترخوها تحت شمس الدامور هالصيفية!

الرقم: 733 707 03

3. Waves Aqua Park، المنصورية

وايفز أكوابارك عبارة عن منتزه مائي بيقدم قعدات غير شكل هالصيفية! مسابحن بتناسب الزغار والكبار، وكمان غير شكل لتلعبوا وتسبحوا بالميّ مع العيلة كلها. عداً عن الألعاب المائية، عندن نهر زغير بتقدروا تقعدوا وترخوها فيه.

الرقم: 555 533 04

4. WaterGate، ضبية

بتلاقوا عند منتزه واتر غايت أجواء صيفية ومدينة مائية بتحسسكن إنكن بجزيرة بنص البحر. عندن ألعاب متنوعة للولاد ليسرحوا ويمرحوا على راحتن، وكمان قعدات مميزة لتقضوا أحلى الأوقات هالصيفية.

الرقم: 666 555 04

شوفوا كمان،٥ مسابح مميزة بالجبل لازم تزوروها هالصيفية