مطعم يا غزيّل: قعدة بيروتية ومغارة مخباية بقلب مار مخايل

لأنو عودناكن على أجمل وأجدد المطارح حول لبنان، اليوم رح نكتشف محل جديد بمنطقة مار مخايل بيروت. خلونا نتعرف على مطعم يا غزيّل، مطعم بقعدة بيروتية ومغارة مخباية بقلب مار مخايل.

متل ما بقولو “ميّل يا غزيّل”، رح نميل اليوم على هالمطعم الجديد ونخبركن شو مخبى في. مطعم يا غزيّل بيقدم قعدة ملونة ومفرفحة بتجمع بين الموديل القديم والمودرن، مزينة بشبابيك مقنطرة، نقشات بلاط بيروتية قديمة، وزخرفات كلاسيكية بتقربكن من تراث مدينة بيروت.

بتلاقوا عند مطعم يا غزيّل قعدة تراس بالهوا الطلق بتاخد العقل وواسعة، مزينة بالشجر والخضار والصخر اللي بحسسكن إنكن بقعدة جبلية. مطرح مميز لمحبي الأجواء اللطيفة والرايقة بقلب بيروت.

بتلاقوا مخبى بين الصخر “مغارة غزيّل”، مغارة زغيرة محفورة بالصخر وساحرة الجمال أبداً ما بتتوقعوا تلاقوها بمنطقة مار مخايل!

هالمطعم بيقدم الأكل اللبناني على أصوله، بيتفنن بالمازة اللبنانية وعندو غدا المشاوي غير شكل. السلطات والتحلاية عندن لازم تجربوها.وحتى بتلاقوا عندن ترويقة لبنانية مميزة لتبلشوا نهاركن ببيروت.

للمزيد من المعلومات، اتصلوا على 190 444 01

شوفوا كمان، تراس نيكولا: بيتزا بيوتية وقعدة رومانسية خيالية بقلب برومانا