حلم الوادي: تخت طاير فوق الوادي بالشوف

عم تفتشوا على قعدة الأحلام هالصيفية؟ اليوم رح ناخدكن كزدورة على مكان ساحر الجمال بمنطقة سرجبال الشوف. حلم الوادي مطرح روعة هالصيفية، بيقدم تخت طاير فوق الوادي ومناظر طبيعية خلابة.

حلم الوادي مكان بيجمعلكن الراحة والقعدة الحلوة وجمال الطبيعة بمطرح واحد بقلب الشوف. مطرح معلّق فوق الوادي وتحتو النهر الجاري، بيقدم وحدة من أجمل الإطلالات على غابات الشوف.

بتلاقوا عند حلم الوادي قعدة الأحلام، تخت طاير فوق الوادي، قفص للعشاق لقعدة رومانسية، مراجيح مهضومة، وسهرات نار مميزة.

بيقدم مطعم بالهوا الطلق مع تراس بتحسوا عليه إنكن معلّقين بالسما، بتسمعوا صوت الميّ الجارية والعصافير من الوادي، وبتجربوا أطيب لقمة مشاوي. المكان بيضم ملعب للولاد ومسبح وحتى شاليهات، مطرح مميز لمشوار مع العيلة هالصيفية. بتقدروا من هالمطرح تنبسطوا بدروب مشي بالمنطقة، تسبحوا بالنهر البارد، تخيّموا بالطبيعة الساحرة والغابات، وتقضوا أحلى الأوقات بأحضان طبيعة سرجبال.

للمزيد من المعلومات، اتصلوا على 024 600 81.

شوفوا كمان،٢٠ شغلة وشغلة تعملوها هل صيفية بلبنان