مطعم لي بون: برغر كبير وطيب بأقل من ٢٠٠ الف!

زهقتوا من أكل البيت؟ اليوم عازمينكن على الغدا على مطرح كتير مهضوم وطيب ببيروت. خلونا نخبركن عن مطعم Le Bon بالباشورية بمنطقة الجديدة، مطعم لي بون بيقدم برغر كبير بأقل من 200 ألف ومنيو متنوعة بأسعار مدروسة!

هالمطعم بيتميز بأسعاره الحلوة والأكل الطيب وبيضل عندو عجقة. بيقدم مختلف أنواع السندويشات بمكونات شهية، وأصناف مختلفة من البرغر على أصولها. كل المكونات جودتها عالية، الدجاج مشوي منيح، اللحمة طرية وطعمها غني، المايونيز اللي بيعملو بيتوتي، الخبزة طرية، وعطول بتطلع السندويشة مليانة وبتشبع!

بتلاقوا عند مطعم لي بون برغر كبير ومحرز بأقل من 200 ألف! من برغر اللحمة، أو التشيكن برغر، أو التشيز برغر المقرمش، وكمان الروستو! وبيضل يعمل عروضات مميزة بتناسب الكل أبداً ما لازم تفوتوها.

والوجبات عندو طيبة وحصتها كريمة، السلطة فريش والبطاطا المقلية معرّمة، والكبيس طيب. وإذا ما عبالكن برغر وسندويشات، فيكن تجربوا عندو اللازانيا أو الستايك، طعمن روعة ومعمولين بكل شطارة!

شو ناطرين؟ مشوا نتغدا عند مطعم لي بون!

للمزيد من المعلومات، اتصلوا على 986 060 71.

شوفوا كمان، وين فيكن تلاقوا أكبر برغر بلبنان؟